Rama: Shyqyr që iku Rugova pa parë ndonjë video propagandistike për tradhtinë e tij
Lajme
Lexohet për: 3 min.
7 muaj më parë
Linku u kopjua

Kryeministri i Shqipërisë, Edi Rama deklaroi se teoricienët dhe praktikantët në Prishtinë mendojnë se lufta diplomatike me Serbinë fitohet duke nxitur armiqësi ndaj Qeverisë së Shqipërisë. Rama tha se nuk ka nder më të madh se të jetë i bashkë-akuzuar me Hashim Thaçin si tradhtar. Ai i ka quajtur video propagandistike videot, në të cilat shihen ish-udhëheqësit e shtetit, përfshirë Hashim Thaçin, Kadri Veselin e Ramush Haradinaj.

Në deklarimin e tij para deputetëve në parlamentin e Shqipërisë, ai tha se “shyqyr që iku Ibrahim Rugova nga kjo botë pa parë ndonjë video propagandistike për tradhtinë e tij”.

Kuvendi i Shqipërisë po mban interpelancë me kryeministrin Edi Rama, të ftuar nga deputeti demokrat Kreshnik Çollaku. Rama në deklarimin e tij ka folur për veprimet e qeverisë shqiptare pas agresionit serb në veri të Kosovës, qëndrimet e Prishtinës zyrtare ku pati kritika të ashpra për kryeministrin Albin Kurti.

Teksa foli për agresionin serb të 24 shtatorit në Banjskë të Zveçanit, Rama tha se veriun e Kosovës e konsideron si tokën e askujt.

Vrer të inateve politike provinciale, i ka quajtur Rama videot e shpërndara kundër pushtetit të kaluar në Kosovë, të cilat tha se qëllim kanë diskreditimin e Hashim Thaçit, Kadri Veselit, Ramush Haradinajt e Isa Mustafës.

Teksa përmendi raportet me kryeministrin Albin Kurti, Rama tha se ka divergjenca botëkuptimore. Ai dënoi rëndë shpërndarjen e videove ku Ramush Haradinaj shihet duke trokitur gotat me përfaqësuesit e Listës Serbe.

“Turpi i mbuloftë” tha Rama teksa komentoi në seancë plenare këtë video, ku shtoi se këto janë mjete mizerable sulmi për ish-kryeministrin, Ramush Haradinaj.

Në deklarimin e tij para deputetëve në parlamentin e Shqipërisë, ai tha se “shyqyr që iku Ibrahim Rugova nga kjo botë pa parë ndonjë video propagandistike për tradhtinë e tij”.

Kryeministri shqiptar, Rama përmendi disa herë edhe etiketimet që po i bëhen në Prishtinë e Tiranë.

Ai shtoi se presidentin e Serbisë do ta takojë sa herë ta konsiderojë të nevojshme, sepse sipas tij, kështu i shërben më mirë interesit të Shqipërisë dhe Kosovës.

Në këtë seancë parashihet edhe një mocion me debat dhe miratimi i projektrezolutës në mbështetje të Kosovës.

Lajmi i plotë në sistemin me parapagim.

Debati pritet të zgjasë minimalisht 5 orë, ndërsa nga seanca e kaluar ka pasur përplasje të forta me opozitën që ka kritikuar mazhorancën për mënyrën se si e ka trajtuar “24 shtatorin”, ndërsa për partinë në pushtet opozita kërkon të bëjë politikë me Kosovën./Sh.Pajaziti

A do te jetë qeveria e ardhshme VV-PDK?
Po
Jo
Nuk e di
Voto
501
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024