Papa Françesku bën thirrje për lirimin e pengjeve të marra në sulmin e Hamasit ndaj Izraelit
Bota
Lexohet për: 2 min.
8 muaj më parë
Linku u kopjua

Papa Françesku bëri thirrje të mërkurën për lirimin e menjëhershëm të pengjeve të marra në sulmin e Hamasit ndaj Izraelit në fundjavë dhe shprehu shqetësimin për rrethimin që Izraeli ka vendosur në Rripin e Gazës si përgjigje.

"Unë vazhdoj të ndjek me dhimbje dhe shqetësim atë që po ndodh në Izrael dhe Palestinë," tha Papa.

"Kaq shumë njerëz të vrarë, të tjerë të plagosur. Unë lutem për ato familje të cilat një ditë feste (festa e Sukkot) kanë përjetuar të kthehet në ditë zie dhe kërkoj që pengjet të lirohen menjëherë".

Françesku pranoi se Izraeli ka të drejtën e vetëmbrojtjes pas sulmeve të Hamasit, përfshirë masakrat e civilëve, ndërsa shtoi se është i shqetësuar për situatën në Gaza.

Izraeli ka goditur Gazën me sulme ajrore vdekjeprurëse gjatë ditëve të fundit dhe ka ndërprerë furnizimin me ushqim dhe karburant.

“Është e drejta e atyre që sulmohen të mbrohen, por unë jam shumë i shqetësuar për rrethimin total nën të cilin jetojnë palestinezët në Gaza, ku ka pasur edhe shumë viktima të pafajshme”, tha Papa.

“Terrorizmi dhe ekstremizmi nuk ndihmojnë për të arritur një zgjidhje të konfliktit mes izraelitëve dhe palestinezëve, por në vend të kësaj ushqejnë urrejtjen, dhunën, hakmarrjen dhe vetëm i bëjnë të dyja palët të vuajnë. Lindja e Mesme nuk ka nevojë për luftë, por për paqe: një paqe e ndërtuar mbi drejtësinë, dialogun dhe guximin e vëllazërisë”, tha Françesku./ANSA

Ministria e Shëndetësisë: Numri i të vdekurve arrin në 1.100 në Rripin e Gazës nga sulmet ajrore izraelite - KosovaPress

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024