Reperi Drake pauzon nga muzika
Bota
Lexohet për: 2 min.
6 muaj më parë
Linku u kopjua

Reperi Drake ka bërë të ditur se po bën një pauzë  nga karriera e tij muzikore, duke thënë: “Më duhet të fokusohem në shëndetin tim para së gjithash”.

Vetëm disa orë pas publikimit të albumit të tij të ri, For All The Dogs, fituesi i shumë cmimeve Grammy tha se prej vitesh ka probleme me stomakun.

"Unë ndoshta nuk do të bëj muzikë për pak kohë, që të jem i sinqertë," tha ai të premten në emisionin e tij në radio.

Disa shfaqje të ardhshme janë shtyrë pas njoftimit të tij.

“Më duhet të fokusohem në shëndetin tim, para së gjithash – dhe do të flas për këtë së shpejti”, tha reperi i hitit “Hotline Bling” duke shtuar se nuk e di sa do të zgjasë pauza e tij muzikore.

Drake, i cili aktualisht është 36 vjeç, ka fituar një nivel të konsiderueshëm të popullaritetit dhe suksesit në zhanrin e muzikës hip-hop.

Kopertina e albumit të tij të fundit u vizatua nga djali i tij pesëvjeçar, i cili gjithashtu shfaqet në videoklipin e këngës 8AM në Charlotte.

Në fillim të këtij viti ai botoi një libër me poezi./BBC/

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024