Rreth 92% e familjeve në Shqipëri zotërojnë 1 deri 2 prona të patundshme
Rajoni
Lexohet për: 2 min.
8 muaj më parë
Linku u kopjua

Rreth 92% e familjeve (total i kampionit të intervistuar) zotërojnë 1-2 prona të patundshme, kryesisht shtëpi banimi në Shqipëri.

Është ky rezultati i vrojtimit që publikoi sot Banka e Shqipërisë, për një nga pikat e anketimit, mbi gjendjen financiare dhe huamarrjen e familjeve në 6-mujorin e parë të vitit 2023.

Sipas këtij vrojtimi, rezultati 92 % ka mbetur i pandryshuar krahasuar me gjashtëmujorin e kaluar dhe ka shënuar rënie me 1pp krahasuar me një vit më parë. Ndërkohë që 3 % deklarojnë se “zotërojnë më shumë se 2 prona të patundshme” (shtëpi dhe tokë/dyqan etj.) dhe 5 % kanë deklaruar se zotërojnë një pronë.

Në grupin e familjeve që deklarojnë pasuri financiare, rezulton se depozitat dhe/ose llogaritë bankare vijojnë të mbeten lloji kryesor i investimit financiar, si në rastin e totalit të familjeve (51 % e rasteve të raportuara) dhe në rastin e familjeve huamarrëse (50 % e rasteve të raportuara).

Të dyja këto pesha kanë shënuar rënie në terma gjashtëmujorë dhe vjetorë.

Vrojtimi i radhës është kryer mbi kampionin rastësor prej 1203 familjesh, ku rreth 88 % e tyre (1055 familje) kanë marrë pjesë në procesin e intervistimit duke iu përgjigjur plotësisht ose pjesërisht pyetjeve të pyetësorit.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024