“Fadil Vokrri” mund të mos rinovohet fare, Çeku zbulon arsyet
Sport
Lexohet për: 1 min.
8 muaj më parë
Linku u kopjua

Stadiumi “Fadil Vokrri”, mund të mos rinovohet fare dhe të ruhet si trashëgimi dhe traditë historike.

Kjo për arsye të vjetërsisë së strukturave origjinale të tij, të cilat, sipas Ministrit të Kulturës, Rinisë dhe Sportit, Hajrulla Çeku, mund të mos e durojnë edhe një tjetër ndërhyrje për renovim.

Sipas tij, kjo çështje është duke u vlerësuar nga ekspertë e ndërtimit dhe më pas do të merret një vendim final.

Ai ka thënë se stadiumi “Fadil Vokrri”, duhet të ruhet edhe si trashëgimi dhe traditë me rëndësi, ndërsa potencoi nevojën që kryeqyteti i Kosovës, Prishtina, të ketë një stadium krejtësisht të ri.

Duhet cekur se “Fadil Vokrri”, është stadiumi i vetëm në Kosovë që plotëson kriteret e UEFA-s, për zhvillimin e ndeshjeve ndërkombëtare.

Ndryshe, në planin pesë vjeçar, Çeku ka bërë të ditur se do të ndërtohen dhe rinovohen 27 stadiume të futbollit.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024