Kuvendi mban tri seanca plenare gjatë kësaj jave, opozita kërkon rritje të pagave për policët
Lajme
Lexohet për: 2 min.
7 muaj më parë
Linku u kopjua

Kuvendi i Kosovës do të mbajë tri seanca plenare gjatë kësaj jave. Deputetët të mërkurën do të shqyrtojnë pikat e mbetura nga seancat e kaluara, të enjten do të mbahet seanca e re plenare, ndërkaq të premten pritet të mbahet seancë e veçantë plenare me vetëm pyetje parlamentare.

Nga partia në pushtet, theksuan nevojën e miratimit të marrëveshjeve ndërkombëtare, derisa opozitarë thanë se do të kërkojnë përmes miratimit të një rezolute sigurimin shëndetësor për policët, pagesën e rrezikshmërisë, ligjin për pensionim të parakohshëm të policët dhe rritjen e koeficientit për paga te shërbyesit publik.

Pas mbledhjes së Kryesisë së Kuvendit të hënën, deputeti i Lëvizjes Vetëvendosje, Armend Muja, kritikoi opozitarët, siç tha ai, për mosvotimin pa një arsye të qartë të marrëveshjeve ndërkombëtare.

Lajmi i plotë në sistemin me parapagim...

Megjithatë, shefi i Grupit Parlamentar të PDK-së, Abelard Tahiri, nënvizoi sërish se nuk do të votojnë asnjë marrëveshje ndërkombëtare dhe se vendit i duhet një qeveri e re.

Krahas kësaj, ai bëri të ditur se në seancën e së enjtes do të propozojnë një draft-rezolutë për siç tha kthimin e dinjitetit te policëve kosovarë.

"Përmes rezolutës do të kërkojmë sigurim shëndetësor për policët, shtesat për rrezikshmëri dhe pensionimin e parakohshëm", tha Tahiri.

Edhe shefi i Grupit Parlamentar të AAK-së, Besnik Tahiri tha se kanë mbledhur 40 nënshkrime për seancë të jashtëzakonshme, ku do të kërkojnë rritjen e koeficientit të Ligjit për paga nga 105 në 129 euro.

Ndërkaq, bëri të ditur se nesër do të thërrasin një tryezë diskutimi në Kuvend për gjendjen e sigurisë në vend dhe reflektimet pas sulmit terrorist në veri më 24 shtator.

Kush do ti fitojë zgjedhjet në Kosovë?
VV
PDK
LDK
AAK-Nisma
Lista GUXO
Nuk e di
Voto
1,573
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024