Saranda histori suksesi turistik, Çaçi: Mbi 250 mijë turistë vendas e të huaj
Rajoni
Lexohet për: 2 min.
8 muaj më parë
Linku u kopjua

Qyteti bregdetar i Sarandës në Shqipëri ka tërhequr këtë vit një numër të lartë turistësh vendas e të huaj.

Kryetari i bashkisë së Sarandës, Oltion Çaçi publikoi sot (e mërkurë) një video në rrjetet sociale historinë e suksesit turistik të qytetit bregdetar gjatë këtij viti.

“Ky vit shënoi kulmin turistik me një rritje prej 30 % të turistëve në krahasim me vitin e kaluar. Statistikat portuale tregojnë mbi 250 mijë turistë që kanë ardhur në Sarandë, 40 mijë më shumë se viti i kaluar, si dhe 35 % rritje të fluksit të mjeteve turistike”, tha Çaçi.

“Turistë nga më shumë se 100 nacionalitete e vizituan vendin tonë si: Italia, Spanja, Suedia, Norvegjia, Danimarka, Portugalia, Franca, Gjermania, Amerika etj.”, tha ai, duke shtuar ky është viti ku fituam njohje dhe vlerësim të gjerë ndërkombëtar.

Për herë të parë Ksamili u shfaq në “Times Square”, New York, falë fushatës promovuese të iniciuar nga bashkia Sarandë.

“Kjo ndodhi i pasojë e një strategjie të mirëfilltë të departamentit të turizmit duke promovuar kulinarinë, sportin, artin, kulturën”, tha Çaçi.

Në Sarandë u organizuan koncerte të përmasave të mëdha me performanca që elektrizuan turistët dhe vendasit, si festivale, panaire, shfaqje ekspozita, duke gjallëruar mbrëmjet e qytetit bregdetar.

Kryebashkiaku Çaçi u shpreh se “këtë sezon na vizituan gjigantët botërorë të kroçerave si “Norwegian Cruise” dhe “Explorer of the sea””.

Ai vuri në dukje se “ky është viti ku sistemuam plazhet tona publike dhe pastruam çdo cep të qytetit. U vendosën 100 çadra dhe 200 shezlongë në plazhet publike për turistët”, transmeton ATSh.

“Saranda 2023 është qyteti i rritjes dhe mundësive, destinacioni numër një në Shqipëri, destinacioni i medieve dhe revistave ndërkombëtare dhe shifrat flasin vetë. Por, përtej kësaj, është mikpritja e secilit prej banorëve të qytetit që e bën Sarandën të veçantë”, tha Çaçi.

I përkufizuar si “Qyteti i bardhë”, Saranda është e rrethuar nga kodra dhe përballë saj ndodhet ishulli grek i Korfuzit. Përveç diellit e plazhit, Saranda njihet dhe për historinë dhe kulturën e saj: e magjishme është kalaja e Lëkurësit, ndërsa Parku Arkeologjik i Butrintit kuriozon turistët e shumtë me historinë e tij mijëravjeçare.

25 vjet çlirim, a jeni të kënaqur me suksesin e Republikës së Kosovës ?
Po
Jo
Nuk e di
Voto
376
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024