Stano për sulmin në veri: Do të marrim vendim pasi të përfundojë hetimi
Lajme
Lexohet për: 2 min.
5 muaj më parë
Linku u kopjua

Zëdhënësi i Bashkimit Evropian, Peter Stano deklaroi se po presin përfundimin e hetimeve për sulmin terrorist të së dielës në veri. Sipas tij, angazhimi mes shteteve anëtare të BE-së vazhdon për të parë se si të trajtohet situata në lidhje me masat. Në paraqitjen e tij për media të mërkurën, ai u pyet për udhëheqjen e sulmit në veri të nënkryetarit të Listës Serbe, Milan Radojçiç.

Stano u shpreh se për BE-në është me rëndësi që të ketë një pasqyrë të plotë nga hetimet.

Ai tha se ka pasur gjithmonë nevojë urgjente për një takim të nivelit të lartë dhe për vazhdimin e dialogut. Zëdhënësi Peter Stano deklaroi se shtetet anëtare po angazhohen për të parë situatën dhe për të vendosur për masat ndaj Serbisë.

Më tej, u shpreh se ka pasur ndryshim të situatës pas sulmeve terroriste të së dielës, për çka do të vendosin shtetet anëtare.

Në rast se Serbia nuk pranon hetimin e Kosovës për sulmin terrorist në Banjskë të Zveçanit, Stano tha se do të vendosin varësisht nga rezultatet.

Lajmi i plotë në sistemin me parapagim.

Në orët e para të mëngjesit të ditës së diel është vrarë rreshteri i Policisë së Kosovës, Afrim Bunjaku, ndërsa janë plagosur edhe policë të tjerë.

Ngjarja e rëndë ka ndodhur në fshatin Banjskë të Zveçanit ku terroristë serbë kanë sulmuar policinë. Tre sulmues kanë mbetur të vrarë ndërsa janë arrestuar gjashtë persona. /Sh.Pajaziti

https://kosovapress.com/admin/publikohen-pamje-svecla-radojiciq-ishte-prijes-i-terroristeve-ku-u-vra-afrim-bunjaku/
https://kosovapress.com/admin/vritet-nje-polic-ne-veri-plagoset-nje-tjeter/
https://kosovapress.com/admin/blinken-denon-sulmet-ndaj-policise-se-kosoves-ne-veri/
https://kosovapress.com/admin/%E2%80%8Bvarroset-afrim-bunjaku-lideret-e-shtetit-lartesojne-figuren-e-tij/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024