Shqipëria thyen rekord dhe ngritët në renditjen e FIFA-s, bie Kosova
Sport
Lexohet për: 1 min.
10 muaj më parë
Linku u kopjua

Organi qeverisës i futbollit, FIFA e ka publikuar renditjen e re të kombëtareve, ku Kosova ka pësuar rënie, ndërsa Shqipëria ka thyer rekord dhe është ngjitur dy pozita më lartë se ajo e kaluara.

Nga pozita e mëparshme 109-të, Kosova tani ka pësuar rënie, ku renditet në vendin e 111-të me 1181.91 pikë, raporton KosovaPress.

“Dardanët” barazuan me Zvicrën në “Fadil Vokrri” 2:2, kurse u mposhtën në udhëtim nga Rumania 2:0.

Ndërkaq, për dallim nga Kosova, Kombëtarja e Shqipërisë kishte një muaj fantastik, ku barazoi me Republikën e Çekisë 1:1, kurse e mposhti Poloninë 2:0 për ta marrë pozitën e liderit në kualifikimet e Euro 2024.

Këto rezultate e kanë ngritur Shqipërinë për tri pozita në renditjen e re të FIFA-s, ku nga vendi i 65-të tani zë vendin e 62-të.

Po ashtu, “Kuqezinjtë” grumbulluan 20.8 pikë më shumë se çdo kombëtare tjetër në renditjen e muajit korrik.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024