Portugali: Vendi është i gatshëm të bashkohet me aleancat e reja për të mbështetur Ukrainën
Bota
Lexohet për: 2 min.
5 muaj më parë
Linku u kopjua

Portugalia është e gatshme për t'u bashkuar me aleancat e reja që po formohen nga aleatët për të mbështetur Ukrainën, njoftoi të mërkurën në Leiria, ministrja e mbrojtjes, Helena Carreiras.

Ministrja, e cila mori pjesë në Ditën e Mbrojtjes Kombëtare në bazën ajrore nr. 5 në Monte Real, theksoi se Portugalia tashmë "po merr pjesë aktive në disa aleanca stërvitore, mbi të gjitha".

“Ne kemi thelluar kontributin tonë në drejtim të trajnimit, si në F-16 ashtu edhe në Leopard [mjete luftarake] dhe jemi në dispozicion për t'iu bashkuar aleancave të tjera që po krijohen, veçanërisht në fushën e çminimit, dhe për të vlerësuar mundësinë për ta bërë këtë në aleanca të tjera”, tha Helena Carreiras, raporton Lusa.

Të mërkurën, Portugalia mori pjesë në një takim të aleatëve të Ukrainës, të mbajtur në bazën amerikane në Ramstein, Gjermani.

Në takim, Helena Carreiras tha se ndjeu se "uniteti dhe kohezioni janë ende të pranishme. Kjo është e rëndësishme. Ndjeva se kjo përpjekje kolektive kishte një efekt".

Një nga zhvillimet e reja që ministrja e Mbrojtjes identifikoi në takimin e aleatëve ishte ideja që vendet të organizohen në mënyrë të tillë që të "mbulojnë dimensionet e ndryshme, Marinën, Forcat Ajrore, Ushtrinë" por edhe " fushat e inovacionit, teknologjitë e reja, forcat speciale, ku mbështetja për Ukrainën do të jetë shumë e rëndësishme”.

"Kjo është një luftë logjistike," theksoi Helena Carreiras, dhe kjo është arsyeja pse "është thelbësore të sigurohen pajisje", por edhe "të kesh mjetet për t'i mbajtur ato, për të trajnuar njerëzit që do punojnë me to, të ketë pjesë rezervë për riparime.

Në Monte Real, ku ajo u takua me studentët në kuadër të Ditës së Mbrojtjes Kombëtare, ajo u tha pjesëmarrësve se Portugalia tashmë ka dërguar 1100 ton material në Ukrainë dhe se po përgatitet një dërgesë e re, përkatësisht uniforma për t'i bërë ballë dimrit.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024