Takimi Kurti-Vuçiq, njohësit presin zbatimin e marrëveshjes së Brukselit dhe Ohrit
Tema
Lexohet për: 2 min.
9 muaj më parë
Linku u kopjua

Takimi i nesërm (e enjte) në Bruksel, ndërmjet kryeministrit të Kosovës, Albin Kurti dhe presidentit serb, Aleksandër Vuçiq po konsiderohet nga njohësit politikë si një mundësi e mirë për të zhbllokuar procesin e dialogut. Sipas tyre, të dy palët, por veçmas Serbia duhet të zotohet për zbatim të marrëveshjes së Brukselit dhe të Ohrit.

Analisti politik, Artan Muhaxhiri, thotë për KosovaPress se Kosova dhe Serbia duhet të bëjnë hapin e madh në takimin e 14 shtatorit për të ecur përpara në dialog.

Më skeptik për takimin e nesërm (e enjte) është analisti tjetër Seb Bytyçi, i cili thotë për KosovaPress se nuk pret që të ketë progres të madh duke parë qëndrimet e deritanishme të dy palëve.

https://kosovapress.com/admin/behet-publike-agjenda-e-takimit-kurti-vuciq-ne-bruksel/

Në anën tjetër, analisti Muhaxhiri kërkon një dinamik të re në procesin e dialogut për zbatimin e ujdive ekzistuese mes Kosovës dhe Serbisë.

Bashkimi Evropian të martën ka publikuar agjendën e takimit Kurti-Vuçiq në Bruksel, fillimisht palët do të kenë takime të ndara me ndërmjetësuesit e dialogut, përfaqësuesin e lartë të BE-së për politikë të jashtme, Josep Borrell dhe emisarin për dialog, Miroslav Lajçak dhe pastaj do të jetë takimi trepalësh.

Kurti dhe Vuçiq janë takuar për herë të fundit më 2 maj të këtij viti, nëntë ditë pas zgjedhjeve të jashtëzakonshme në veri të Kosovës, të cilat janë bojkotuar nga popullata lokale serbe. Ndërkaq vendosja e kryetarëve të zgjedhur në objektet komunale në veri është kundërshtuar përmes protestave në veri, e cila kulmoi me 29 maj me lëndimin e disa ushtarëve të KFOR-it.

https://kosovapress.com/admin/%e2%80%8bvuciq-nga-shkupi-flet-per-takimin-e-14-shtatorit-sot-nuk-u-grindem/

Institucionet kosovare kanë miratuar Udhëzimin Administrativ që do të mundësojë shkarkimin e kryetarëve në veri përmes peticionit. Mirëpo bashkësia ndërkombëtare vazhdon të insistojë se zgjidhja më e mirë për shpalljen e zgjedhjeve në veri është dorëheqja e kryetarëve atje./E.Zeqiri/​

https://kosovapress.com/admin/ks-takimi-kurti-vuciq-dhe-ceshtja-beleri-rama-tri-konsiderata-ne-nje-dite/
https://kosovapress.com/admin/%e2%80%8btakimi-kurti-vuciq-deputeti-i-lvv-se-pret-plan-konkret-per-zbatimin-e-marreveshjeve/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024