Qeveria synon të punësojë të papunët në procesin e regjistrimit të popullsisë
Lajme
Lexohet për: 3 min.
5 muaj më parë
Linku u kopjua

Qeveria e Kosovës ka ndarë gjysmë milioni euro për familjet e ndikuara nga tërmeti në Turqi, që ka ndodhur muaj më parë. Në mbledhjen e sotme, ekzekutivi ndau edhe 4200 euro për transportimin e kufomës së shtetases argjentinase, e cila javë më parë u vra në Kosovë. Kabineti qeveritar miratoi edhe një sërë projektligjesh dhe nismash për marrëveshje ndërkombëtare. Krahas këtyre shtuan një masë të re për mbështetje të punësimit, ku personat e papunë do të kenë mundësi të angazhohen si punonjës në procesin e regjistrimit të popullsisë që pritet të nisë në nëntor.

Ministri i Financave, Punës dhe Transfereve, Hekuran Murati tha se ndihma prej 500 mijë eurosh ndaj Turqisë ishte paraparë të bëhet në takimin që ishte organizuar në Bruksel për këtë qëllim, mirëpo Kosovës iu pamundësua të jetë pjesëmarrëse në nivel të barabartë me shtetet e tjera.

Ndërkaq, zëvendësministri i Drejtësisë, Vigan Qorolli, tha se ndarja buxhetore për transportimit të kufomës së shtetases së ndjerë argjentinase po bëhet për shkak të pamundësisë financiare të familjes së saj.

Në anën tjetër, ministri i Financave, Punës dhe Transfereve, Hekruan Murati tha se nisma për negocimin e marrëveshjes me Austrinë për sigurime shoqërore do të mundësojë që qytetarët që kanë punuar në Austri do të kenë mundësi të marrin pensionin edhe në Kosovë.

Qeveria miratoi edhe tri nisma për lidhje të marrëveshjeve ndërkombëtare me Suedinë në sektorin e drejtësisë.

Ekzekutivi i dha dritë të gjelbër Ministrisë së Drejtësisë që të nisë diskutimet për marrëveshjen për ekstradim me Suedinë, për transferim të personave të dënuar mes dy vendeve dhe për ndihmën të ndërsjellët juridike për çështjet penale

Krahas këtyre shtuan një masë të re në kuadër të masave për Mbështetjen e Punësimit, ku personat e papunë do të kenë mundësi të angazhohen si punonjës në procesin e regjistrimit të popullsisë që pritet të nisë këtë vit.

“Përmes kësaj mase aktive të tregut të punës të mundësojmë punësimin e përkohshëm të gjithë atyre që janë të papunë”, tha ai.

Lajmi i plotë në sistemin me parapagim.

Qeveria në mbledhjen e sotme miratoi edhe Projektligjin për shërbimet sociale dhe familjare dhe mori vendim për shpronësim të pronave publike në disa zona në Kosovë./KosovaPress/

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024