Xhaka i emocionuar para ndeshjes me Kosovën: Edhe pse në fanellën tjetër, shpresoj të ju bëjë të lumtur
Sport
Lexohet për: 2 min.
5 muaj më parë
Linku u kopjua

Ylli zviceran me prejardhje nga Kosova, Granit Xhaka është paraqitur sot në konferencën për media të Zvicrës, para ndeshjes së nesërme kundër Kombëtares së Kosovës.

Xhaka foli për ndeshjen e nesërme ndaj Kosovës, ku tha se edhe pse është në fanellën tjetër (atë të Zvicrës), ai shpreson që t’i bëjë kosovarët të lumtur, raporton KosovaPress.

Xhaka tha që s’i ka ndodhur kurrë që ta ketë prezent familjen e tij në një konferencë për media, ndërsa tha se në Kosovë ndjehet sikur në shtëpinë e tij

Edhe pse ka luajtur kundër Shqipërisë dhe Serbisë, Xhaka tha se ndeshja e nesërme kundër Kosovës do të jetë shumë e veçantë dhe plot emocione për të.

Kur u pyet se a ka bërë Zvicra ndonjë përgatitje ndryshe ndaj Kosovës, Xhaka tha se trajneri e ka përgatitur kombëtaren “Helvetike” si gjithmonë, dhe se lojtarët duhet të tregojnë vetën në fushë.

Për fund, Graniti kishte edhe një mesazh sa i përket dukurisë së fundit ku lojtarët po largohen nga Kombëtarja e Kosovës.

Kosova e pret Zvicrën nesër në stadiumin "Fadil Vokrri", me fillim nga ora 20:45, në kuadër të kualifikimeve për në Kampionatin Evropian Euro 2024.

Lajmi i plotë në sistemin me parapagim.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024