OKB-ja dhe Nigeria nënshkruajnë marrëveshje për të luftuar terrorizmin
Bota
Lexohet për: 2 min.
8 muaj më parë
Linku u kopjua

OKB-ja dhe Nigeria nënshkruan një marrëveshje për të luftuar terrorizmin, tha një zyrtar të enjten.

Marrëveshja u nënshkrua nga nënsekretari i OKB-së për kundër-terrorizmin Vladimir Voronkov dhe një zyrtar i qeverisë nigeriane të mërkurën vonë, sipas kreut të Komunikimeve Strategjike në zyrën e Këshilltarit të Sigurisë Kombëtare, Zakari Mijinyawa.

“Qeveria nigeriane përmes Zyrës së Këshilltarit të Sigurisë Kombëtare dhe Zyra e Kombeve të Bashkuara për Kundër Terrorizmin kanë nënshkruar Memorandume Mirëkuptimi për të forcuar më tej përpjekjet kundër terrorizmit në vend”, tha Mijinyawa në një deklaratë.

Ai tha se të dyja palët u zotuan të forcojnë luftën kundër terrorizmit në Nigeri dhe përgjatë kufijve të Afrikës Perëndimore.

Voronkov tha se bashkëpunimi përfshin luftën kundër financimit të terrorizmit, lëvizjen terroriste, sigurinë kufitare dhe detare, si dhe ofrimin e trajnimeve kundër terrorizmit në Nigeri.

Luftimet midis forcave ushtarake dhe grupeve terroriste Boko Haram dhe Shtetit Islamik në Provincën e Afrikës Perëndimore (ISWAP) janë të shpeshta në verilindjen e paqëndrueshme të Nigerisë.

Rreth 100,000 njerëz janë vrarë dhe 3 milionë janë zhvendosur në më shumë se një dekadë të sulmeve terroriste në Nigeri, sipas Agjencisë Kombëtare të Menaxhimit të Emergjencave./AA/

A do te jetë qeveria e ardhshme VV-PDK?
Po
Jo
Nuk e di
Voto
503
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024