Policia e Kosovës kërkon bashkëpunim për gjetjen e një personi
Siguri
Lexohet për: 1 min.
5 muaj më parë
Linku u kopjua

Policia e Kosovës është në kërkim të një personi të dyshuar lidhur me një rast të lëndimit të rëndë trupor që kishte ndodhur më 11 gusht. Drejtoria Rajonale e Policisë në Gjakovë ka publikuar fotografinë e tij dhe ka kërkuar bashkëpunimin e qytetarëve për lokalizimin e tij.

Në njoftim është bërë e ditur se në Njësia e Hetimeve në kuadër të stacionit Policor në Malishevë janë duke zhvilluar hetime lidhur me rastin në fjalë.

Gjatë hetimeve janë siguruar fotografi nga kamerat e sigurisë por deri tani nuk është arritur të bëhet identifikimi i të dyshuarit.

Policia e Kosovës kërkon nga qytetarët e Republikës së Kosovës që kushdo që ka informacion për identitetin dhe vendndodhjen eventuale të të dyshuarit, të paraqitur në fotografi, të lajmërojnë Policinë e Kosovës, stacionin më të afërt policor, apo përmes aplikacionit digjital “Lajmëro Policinë”.

Gjithashtu në numrat kujdestarë: 192 (pa pagesë) dhe 0390310482 Drejtoria Rajonale e Policisë në Gjakovë.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024