Hoti tregon pse Serbia s’po e respekton deklaratën për të zhdukurit me forcë
Lajme
Lexohet për: 2 min.
5 muaj më parë
Linku u kopjua

Kryesuesi i Komisionit Qeveritar për Persona të Zhdukur, Andin Hoti, ka akuzuar Serbinë se qëllimshëm po zvarrit zbatimin e deklaratës për të zhdukurit me forcë. Ai ka thënë se pala serbe po tenton të gjejë arsye për mos hapjen e arkivave dhe mos formimin e komisionit mbikëqyrës për të gjetjen e personave të zhdukur me forcë.

Në Ditën Ndërkombëtare të Personave të Zhdukur me dhunë gjatë luftës në Kosovë, Hoti tha se po presin nga Bashkimi Evropian veprime konkrete ndaj Serbisë që ta bindë t’i hap arkivat.

Trysni më të madhe ndaj Serbisë kërkoi edhe kryetari i Këshillit koordinues të asociacioneve të familjarëve të personave të pagjetur në Kosovë, Ahmet Grajqevci.

Në anën tjetër, më kritik ndaj krerëve të institucioneve u shpreh kryetari i shoqatës “Zëri i Prindërve”, Bajram Qerkini, i cili tha se të njëjtit nuk po bëjnë sa duhet për çështjen e të pagjeturve.

Lajmi i plotë në sistemin e plotë

Nën përkujdesjen e kryeministrit të Republikës së Kosovës, me rastin e shënimit të 30 Gushtit – Ditës ndërkombëtare të personave të zhdukur me dhunë gjatë luftës në Kosovë sot janë bërë homazhe pranë përmendores dedikuar personave të zhdukur me dhunë gjatë luftës.

Më shumë se dy dekada pas përfundimit të luftës, në Kosovë vazhdojnë të mungojnë edhe mbi 1600 persona, të zhdukur me dhunë./KosovaPress/ 

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024