Raci: Vendimi i Gjykatës kundër ndërtimit të fabrikës së çimentos në Dollc
Biznes
Lexohet për: 2 min.
7 muaj më parë
Linku u kopjua

Beteja e qytetarëve dhe e Asamblesë Komunale të Klinës për kundërshtimin e fabrikës së çimentos në Dollc ka marr epilog edhe nga Gjykata e Themelore e Prishtinës.

Aktvendimi i Gjykatës i jep të drejtë vendimit të Asamblesë Komunale për kundërshtimin e ndërtimit të fabrikës së çimentos nga “Ëallingford International Kosova” L.L.C në Dollc të Klinës.

Këtë vendim të Gjykatës, të martën e kanë prezantuar në një konferencë për media Shoqata për Ruajtjen dhe Mbrojtjen e Ambientit në Klinë.

Udhëheqësi i banorëve që po e kundërshtojnë fabrikën , Veton Raci theksoi se Gjykata i ka dhënë të drejtë Asamblesë Komunale që të anulohen të gjitha pëlqimet dhe dokumentet tjera urbanistike të cilat janë dhënë lidhur me guroret për furnizim me lëndë të parë për fabrikat e çimentos në Klinë.

“Aktvendimi i Gjykatës i jep të drejtë vendimit të Asamblesë Komunale në Klinë dhe i bie praktikisht që vendimi i kësaj asambleje është i plotfuqishëm dhe është obligues për komunën që të zbatohet. Ky vendim i asamblesë vlen të theksohet: anulohen të gjitha pëlqimet dhe dokumentet tjera urbanistike të cilat janë dhënë lidhur me gurorë për furnizim me lëndë të parë për fabrikat e çimentos”, tha Raci.

Për më tepër, Raci ka kërkuar që pezullimi të shndërrohet në vendim për anulimin e pëlqimit mjedisor.

Po ashtu Raci ka kërkuar nga kryetari i komunës së Klinës të shkarkojë Lorenc Marlekaj dhe drejtorin aktual të Urbanizmit, Enver Berisha, i cili ka nxjerr vendim për lëshimin e lejes për ndërtimin e fabrikës së çimentos.

Sipas Racit, qytetarët tri vjet më parë i kanë diktuar parregullsitë për dhënien e pëlqimeve mjedisore nga institucionet për kompaninë e çimentos.  

Ai theksoi se peticioni i qytetarëve të Klinës kundër ndërtimit të kësaj fabrikë ka mbërritur deri në 3000, si dhe kanë përkrahje edhe nga komunat e tjera të cilat janë shqetësuar nga ndotja e ambientit./A/ Drenica/

Lajmi i plotë në sistemin me parapagim.

https://kosovapress.com/admin/qytetaret-e-klines-kerkojne-shfuqizimin-e-lejes-per-ndertimin-e-fabrikes-se-cimentos/
https://kosovapress.com/admin/fitorja-e-rastit-kunder-ndertimit-te-fabrikes-se-cimentos-ne-kline-sot-jepen-detaje/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024