Kjo është shuma që shpenzoi Konjufca për mëditje, dreka zyrtare, bileta dhe karburant
Lajme
Lexohet për: 2 min.
8 muaj më parë
Linku u kopjua

Kryparlamentari i Kosovës, Glauk Konjufca së bashku me kabinetin e tij shpenzoi mbi 50 mijë euro vetëm në periudhën janar – korrik 2023 për mëditje, dreka zyrtare, akomodim, bileta, për karburant dhe shërbime të bufesë (për kafe).

Në këtë periudhë, shpenzimet vetëm të kryetarit të Kuvendit të Kosovës, Konjufca kanë qenë 16 mijë e 547 euro, raporton KosovaPress.

Konjufca mori mëditje jashtë vendit 2 mijë e 109 euro.

Kryparlamentari shpenzoi për bileta të udhëtimit 2 mijë 448 euro. Ai ka pasur dy udhëtime zyrtare në periudhën janar-korrik, dy udhëtime në Strasburg dhe një SHBA dhe një Francë, njofton Kuvendi i Kosovës.

Për dreka zyrtare, Konjufca harxhoi nga buxheti I shtetit 6 mijë e 796 euro.

Ndërsa, për karburant, Konjufca ka shpenzuar 1 mijë e 701 euro.

Ndërkaq, stafi i angazhuar prej 17 zyrtarëve në kabinetin e kryetarit kanë shpenzuar 34 mijë e 775 euro, duke përfshirë shefin e kabinetit, gjashtë këshilltarë politik, tre këshilltarë të jashtëm, dy zyrtare ekzekutive/administrative, një zyrtarë i protokollit, zyrtarë personal dhe zyrtarë për siguri.

Kabineti i kryetarit të Kuvendit shpenzoi 16 mijë e 644 euro vetëm për bileta, kurse shpenzimet në bufe (për kafe) kanë arrit shumën 1 mijë e 420 euro.

Kush do ti fitojë zgjedhjet në Kosovë?
VV
PDK
LDK
AAK-Nisma
Lista GUXO
Nuk e di
Voto
1,531
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024