SHBA miraton shitjen e helikopterëve “Apache” në Poloni
Bota
Lexohet për: 1 min.
5 muaj më parë
Linku u kopjua

Shtetet e Bashkuara të Amerikës kanë miratuar shitjen e 96 helikopterëve sulmues “AH-64E Apache”, dhe pajisjeve të ngjashme, Polonisë për një kosto të vlerësuar prej 12 miliardë dollarësh, njoftoi të hënën Agjencia e Bashkëpunimit për Sigurinë e Mbrojtjes.

Në një deklaratë, agjencia tha se “kjo shitje e propozuar do të mbështesë qëllimet e politikës së jashtme dhe objektivat e sigurisë kombëtare të Shteteve të Bashkuara duke përmirësuar sigurinë e një Aleati të Organizatës së Traktatit të Atlantikut të Veriut (NATO) që është një forcë për stabilitet politik dhe përparim ekonomik në Evropë”.

Polonia, një anëtare e NATO-s në Evropën Qendrore, planifikon të vendosë helikopterët në Divizionin e saj të 18-të të Mekanizuar dhe Brigadën e Parë të Forcave Ajrore, shkruan AA.

Ministri polak i Mbrojtjes, Mariusz Blaszczak, tha më parë se të kesh “Apaches” është e rëndësishme sepse ata punojnë mirë me tanket “Abrams”, të cilat Varshava i porositi gjithashtu nga SHBA vitet e fundit.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024