Liqeni i Shkodrës, mes dhjetë parqeve më të bukura natyrore të Evropës
Turizem
Lexohet për: 2 min.
9 muaj më parë
Linku u kopjua

Media gjermane “Deutsche Welle” ka vendosur liqenin e Shkodrës mes dhjetë parqeve më të bukura natyrore të Europës.

Në një shkrim të publikuar të shtunën, media gjermane liston 10 parqet më të bukura të Europës. Mes tyre ndodhet edhe liqeni i Shkodrës në Shqipëri.

“Jeni të lodhur nga intensiteti i punës e rendja e së përditshmes dhe keni dëshirë për një pushim diku larg në mjedise të mrekullueshme në natyrë? DW ju rekomandon 10 parqe kombëtare në Evropë që ia vlen të vizitohen”, nis shkrimin e saj media gjermane.

“Liqeni i Shkodrës është sipërfaqja më e madhe e ujit në Gadishullin Ballkanik, megjithëse madhësia e tij e saktë ndryshon në varësi të sezonit. Shkoni këtu nëse ju pëlqejnë manastiret idilike të ishujve, vëzhgimi i shpendëve ose thjesht mund të zhyteni në natyrën e virgjër“, shkruan Deutsche Welle në shkrimin e saj.

Vendet e tjera të sugjeruara janë: Parku Kombëtar Hossa, Finlandë; Parku Kombëtar Sarek, Suedi; Parku Kombëtar Jotunheimen, Norvegji; Shkëmbijtë me gurë ranorë të Elbës mes Gjermanisë dhe Republikës Çeke; Rezervat Natyrore High Fens, Belgjikë dhe Gjermani; Liqenet e Plitvicës, Kroaci; Cinque Terre, Itali ; Calanques, Francë, si dhe Parku Kombëtar Ordesa y Monte Perdido, Spanjë./ATSh/

A do te jetë qeveria e ardhshme VV-PDK?
Po
Jo
Nuk e di
Voto
3
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024