FFK dhe ArtMotion vazhdojnë partneritetin
Artikull i Sponsorizuar
Lexohet për: 3 min.
8 muaj më parë
Linku u kopjua

Federata e Futbollit e Kosovës dhe kompania ArtMotion vazhdojnë partneritetin e tyre të suksesshëm me nënshkrimin e kontratës së re për të drejtat televizive të ndeshjeve të futbollit.

ArtMotion u shpall fituese në thirrjen publike të datës 11 korrik 2023 për të drejtat televizive. Përmes këtij procesi, ArtMotion ka siguruar të drejtat për të transmetuar ndeshjet e Albi Mall Superligës, ndeshjet e Ligës së Parë në të dyja grupet, si dhe ndeshjet e Kupës së Kosovës.

Presidenti i Federatës së Futbollit të Kosovës, Agim Ademi ka shfaqur kënaqësinë e tij për vazhdimin e partneritetit të qëndrueshëm me ArtMotion gjatë kohës së kaluar. Ai ka shprehur bindjen se ky bashkëpunim do të çojë në një nivel të lartë cilësie në transmetimin e ndeshjeve të futbollit, veçanërisht për sezonin aktual.

Ademi ka theksuar se kualiteti i transmetimit do të përmirësohet duke përdorur një numër më të madh kamerash për të mbështetur sistemin VAR (Video Assistant Referee), duke sjellur kështu një përvojë më të pasur televizive për shikuesit.

Ndërkaq, përfaqësuesi i kompanisë ArtMotion, Alaudin Hamiti ka theksuar rëndësinë e vazhdimësisë së këtij partneriteti dhe përkushtimin e tyre për të ofruar një përvojë televizive në tjetër nivel për dashamirët e futbollit në Kosovë.

Ky partneritet synon të sjellë një eksperiencë të veçantë televizive, duke përdorur teknologjinë dhe kamerat shtesë për të përmirësuar pamjen dhe vlerësimin e lojës, gjithashtu duke ndihmuar gjyqtarët në vendimet e tyre gjatë lojës përmes sistemit VAR.

Superliga e Kosovës është bërë shumë atraktive në vitet e fundit dhe është parashikuar që sezoni 2023-2024 të jetë veçanërisht emocionues. Kjo vjen në kontekst të konkurrencës së lartë dhe nivelit të avancuar të kampionatit, i cili është vlerësuar edhe nga UEFA.

Ky partneritet midis Federatës së Futbollit të Kosovës dhe ArtMotion parashikohet të sjellë një ndryshim të rëndësishëm në mënyrën si ndeshjet futbollit transmetohen dhe vlerësohen nga publiku në Kosovë. Të dyja palët, FFK dhe ArtMotion janë të përkushtuara të japin surpriza të mëdha për shikuesit dhe teleshikuesit e tyre gjatë këtij vazhdimi të partneritetit që do të sjellë përplot emocione.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024