Prodhimi industrial i Gjermanisë ra në qershor
Bota
Lexohet për: 1 min.
6 muaj më parë
Linku u kopjua

Prodhimi industrial në Gjermani ra në qershor në baza vjetore dhe mujore, treguan të hënën shifrat zyrtare nga Enti Federal i Statistikave - Destatis.

Indeksi i prodhimit në industri ra me 1.5% në bazë mujore dhe 1.7% në bazë vjetore, tha autoriteti statistikor.

Me rënie prej 3.5% në bazë mujore, prodhimi në industrinë e automobilave pati një efekt veçanërisht të rëndë në performancën e përgjithshme industriale të vendit.

Ndikim negativ ka pasur edhe industria e ndërtimit, e cila ka rënë me 2.8% nga muaji maj në muajin qershor, shkruan aa.

"Në anën tjetër, rritja e prodhimit në industrinë farmaceutike (+7.9%) pati një ndikim pozitiv në performancën e përgjithshme," tha Destatis.

Destatis shtoi se prodhimi në zonat industriale me energji intensive u rrit me 1.1% në qershor në krahasim me muajin maj.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024