Shefi i OKB-së dënon "ashpër" sulmet e Rusisë ndaj porteve të Ukrainës
Bota
Lexohet për: 2 min.
7 muaj më parë
Linku u kopjua

Sekretari i Përgjithshëm i OKB-së, Antonio Guterres dënoi "ashpër" sulmet e Rusisë kundër porteve në Odesa dhe porteve të tjera ukrainase në Detin e Zi, tha të enjten zëdhënësi i tij.

"Sulmet bien ndesh me angazhimet e Federatës Ruse sipas Memorandumit të Mirëkuptimit me Kombet e Bashkuara, i cili thotë se "Federata Ruse do të lehtësojë eksportin e papenguar të ushqimit dhe vajit të lulediellit nga portet e kontrolluara ukrainase të Detit të Zi", tha Stephane Dujarric në një deklaratë.

Guterres kujtoi gjithashtu se shkatërrimi i infrastrukturës civile mund të përbëjë shkelje të ligjit ndërkombëtar humanitar.

"Këto sulme kanë gjithashtu një ndikim përtej Ukrainës. Tashmë po shohim ndikimin negativ në çmimet globale të grurit dhe misrit, i cili dëmton të gjithë, por veçanërisht njerëzit e cenueshëm në jugun global", thuhet në deklaratë.

“Nga ana e tij, Sekretari i Përgjithshëm nuk do të heqë dorë në përpjekjet e tij për të siguruar që ushqimi nga Ukraina dhe Rusia të jenë të disponueshme në tregjet ndërkombëtare si pjesë e përpjekjeve të tij të vazhdueshme për të luftuar urinë globale dhe për të siguruar çmime të qëndrueshme të ushqimit për konsumatorët kudo”, shtoi ai, shkruan AA, përcjell KosovaPress

Infrastruktura kritike në rajone të ndryshme të Ukrainës u godit nga sulmet me raketa ruse më herët të mërkurën, më së shumti në rajonin e Odesës, ku 10 persona kërkuan ndihmë mjekësore për shkak të sulmeve, sipas autoriteteve lokale.

https://kosovapress.com/admin/20-te-plagosur-nga-sulmet-ruse-ne-odessa-dhe-mykolaiv/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024