Dy gjyqtarë kosovarë do të licencohen në FIBA 3x3
Sport
Lexohet për: 1 min.
7 muaj më parë
Linku u kopjua

Me ftesë të FIBA-s në Debrecen të Hungarisë janë ftuar dy gjyqtarë nga Federata e Basketbollit e Kosovës për licencim në FIBA 3x3 Referee Course 2023.

Me këtë rast FBK ka nominuar Irma Konjushën dhe Artan Gashin për këtë periudhë të licencimit, ku do të Vlerësohen si gjyqtarë në lojë gjatë Kampionatit Evropian Universitar EUSA 3x3 Basketball 2023 në Debrecen.

Kjo është hera e parë që FBK ka marrë ftesë për licencimin e dy gjyqtarëve për FIBA 3x3.

“Me këtë rast shpresojmë në licencimin e tyre, duke marrë parasysh përvojën, si dhe performancën e Konjushës dhe Gashit”, u shpreh Faton Kurshumlija, FIBA Instruktori Nacional.

Trajnimi mbahet nga 15 deri më 19 korrik.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024