Britania do t’i sigurojë Ukrainës automjete speciale zjarrfikëse
Bota
Lexohet për: 2 min.
7 muaj më parë
Linku u kopjua

Britania informoi të premten se do t'i sigurojë Ukrainës 15 automjete të ndërhyrjes së shpejtë dhe dy automjete të mëdha me shkumë përpara ditës së 500-të të fillimit luftës ruse.

“Mbretëria e Bashkuar do të ofrojë Ukrainës 17 automjete të specializuara të zjarrfikësve për shërbimet e shpëtimit dhe zjarrit, kryesisht me burim nga Forca Ajrore Mbretërore (RAF) dhe Mbrojtjes nga Zjarri dhe Shpëtim, njëra prej tyre e ofruar nga Qeveria e Uellsit”, thuhet në një deklaratën e Ministrisë së Mbrojtjes.

Deklarata vuri në dukje se pajisjet do të ndihmojnë në forcimin e aftësisë së Ukrainës për t'iu përgjigjur dëmeve të shkaktuara nga sulmet ruse.

“Këto automjete të specializuara zjarrfikëse do të rrisin aftësinë e Ukrainës për të mbrojtur infrastrukturën e saj nga fushata ruse e sulmeve me raketa dhe dron dhe do të vazhdojnë mbështetjen tonë për Ukrainën, për aq kohë sa duhet”, tha sekretari i Mbrojtjes, Ben Wallace në një deklaratë.

Në përgatitje për mbërritjen e automjeteve, personeli i Shërbimit Ushtarak të Zjarrfikësve të Ukrainës kreu stërvitje në RAF Wittering, bazën kryesore operative dhe selinë e Forcave A4 RAF, e cila është një stacion kryesor për stërvitjen e fluturimit./AA/

https://kosovapress.com/admin/britania-e-madhe-ushtria-ruse-ka-humbur-me-shume-se-gjysmen-e-kapaciteteve-luftarake/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024