Gjenden “mbetje” gjatë kërkimit për nëndetësen e humbur
Bota
Lexohet për: 2 min.
8 muaj më parë
Linku u kopjua

Një “fushë me mbetje” është zbuluar nga një robot nënujor që po bënte kërkim afër rrënojave të anijes “Titanik”, për një nëndetëse të humbur në atë zonë.

“Ekspertët po e vlerësojnë këtë informacion”, ka thënë Roja Bregdetare e Shteteve të Bashkuara të Amerikës në Twitter.

Një ekip shumëkombësh për kërkim-shpëtim po vazhdon kërkimet nga deti dhe ajri për nëndetësen e zhdukur, e quajtur Titan.

Nëndetësja me pesë turistë në bord u nis të dielën drejt rrënojave të Titanikut, por humbi kontaktin një orë e 45 minuta pas nisjes. Ekipet e shpëtimit janë në garë me kohën pasi nëndetëses besohet se i kanë mbetur vetëm disa orë furnizime me oksigjen.

Nëndetësja Titan, që operohet nga kompania me seli në Shtetet e Bashkuara, OceanGate, ishte nisur drejt anijes së fundosur Titanik të dielën në orën 08:00 sipas kohës lokale. Nëndetësja humbi kontaktin me anijen mbështetëse më pak se dy orë pas nisjes drejt Titanikut në Oqeanin Atlantik, shkruan REL.

Titan nisi ekspeditën me 96 orë furnizime me oksigjen, tha kompania OceanGate, që nënkupton se furnizimet mund të harxhohen mëngjesin e së enjtes. Por, ekspertët thanë se sa gjatë mund të zgjasin furnizimet me oksigjen varet nga disa faktorë, sikurse nëse nëndetësja ende ka energji elektrike dhe sa të qetë qëndrojnë pasagjerët në bordin e saj.

https://kosovapress.com/admin/%E2%80%8Boksigjeni-drejt-fundit-kerkimi-per-nendetesen-e-zhdukur-ne-faze-vendimtare/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024