Chelsea afër transferimit të yllit senegalez
Sport
Lexohet për: 1 min.
9 muaj më parë
Linku u kopjua

Siç bëhet e ditur nga gazetari i njohur, Fabrizio Romano, Chelsea ka vendosur që ta aktivizojë klauzolën prej 35 milionë eurosh për të nënshkruar me Nicolas Jackson gjatë ditëve të ardhshme.

Chelsea është duke e diskutuar mënyrën e pagesës me Villarrealin, por ka vendosur që ta paguajë shumën e kërkuar prej 35 milionë eurove, raporton KosovaPress.

Chelsea ka provuar që të ofrojë lojtarë ose zgjidhje të tjera për ta transferuar Jackson, por që tani dëshiron që sa më shpejtë ta mbyll marrëveshjen pasi që edhe tre klube të tjera janë të gatshme që të paguajnë dëmshpërblimin që po e kërkon Villarreali.

Në anën tjetër, Jackson ka vendosur që t’i bashkohet Chelseat, ku është arritur akordi për një marrëveshje afatgjate, më shumë se pesë vite.

Chelsea pritet të jetë i zënë gjatë ditëve në vazhdim me marrëveshjen e Jackson, ofertën për Caicedon dhe largimet nga klubi.

Jackson, 21 vjeçar, në 38 paraqitje në të gjitha garat për Villarrealin ka arritur të shënojë 13 gola dhe të bëjë pesë asistime.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024