BE: Marrja e masave ndaj Kosovës s’ishte e lehtë, palët të de-përshkallëzojnë situatën
Lajme
Lexohet për: 3 min.
8 muaj më parë
Linku u kopjua

Bashkimi Evropian ka ripërsëritur sot se ndaj Kosovës nuk janë vendosur sanksione apo masa kufizuese, por masa që i përdorin për të treguar se BE është serioze në pritjen e de-përshkallëzimit. BE ka ripërsëritur thirrjen që Kosova dhe Serbia të de-përshkallëzojnë situatën urgjentisht.

Zëdhënësi i Bashkimit Evropian, Peter Stano ka thënë se ende presim që kryeministri i Kosovës, Albin Kurti të zbatojë hapat e nevojshëm për de-përshkallëzimin e situatës.

Në një konferencë për shtyp në selinë e Komisionit Evropian në Bruksel, ai ka potencuar se masa janë të përkohshme, mund të zvogëlohen dhe mund të hiqen. Sipas tij, ato përfshijnë shtyrje të vizitave zyrtare, të komisioneve, apo ngjarjeve që janë planifikuar si dhe bashkëpunimin financiar me Kosovën.

Stano ka potencuar se vendimi i ndërmarrë për masa ndaj Kosovës nuk ka qenë i lehtë. Ai është shprehur se homologët kosovarë janë në dijeni për pritjet e Bashkimit Evropian.

Zëdhënësi i BE-së ka thënë se qëllimi i përgjithshëm është normalizimi i marrëdhënieve ndërmjet dy vendeve, e cila do t’i ndihmonte Kosovës dhe Serbisë në rrugën drejt BE-së.

Lidhur marrëveshjen e Ohrit, Stano ka thënë se asnjëherë nuk është hequr dorë dhe se roli i BE-së është të ndihmojë në arritjen e objektivit të përgjithshëm.

Zëdhënësi i Bashkimit Evropian është shprehur se nuk ka dijeni për mbajtjen e një takimi “sekret” në Bruksel, për të cilin dje ka folur presidenti serb, Aleksandar Vuçiq. Ai ka thënë se kur bëhet fjalë për dialogun gjithçka është transparente.

Stano është pyetur edhe lidhur me rrëmbimin e tre policëve në veri të Kosovës nga Serbia, me ç’rast ka thënë se janë duke e ndjekur ngjarjen nga afër.

Lajmi i plotë është në sistemin me parapagim.

Tutje, zëdhënësi i BE-së i ka bërë thirrje Kosovës dhe Serbisë të përmbahen nga çdo veprim që mund të çojë në ngritjen e tensioneve. Ai ka ripërsëritur thirrjen që të dy vendet të de-përshkallëzojnë situatën urgjentisht.

https://kosovapress.com/admin/kurti-hyrja-e-forcave-te-serbise-ne-territorin-e-kosoves-eshte-synim-per-destabilizim/
https://kosovapress.com/admin/%e2%80%8bsvecla-konfirmon-kidnapimin-nderkombetaret-ti-bejne-presion-serbise-te-liroje-policet/
https://kosovapress.com/admin/kastrati-per-kidnapimin-e-tre-zyrtareve-policore-nxitje-lufte/
https://kosovapress.com/admin/%e2%80%8bplani-5-pikesh-per-shtensionin-ne-veri-kurti-brukseli-ta-vleresoje-gatishmerine-tone/
https://kosovapress.com/admin/kurti-banditet-te-kthehen-ne-serbi-ose-te-arrestohen-ne-kosove-pastaj-zgjedhjet/
https://kosovapress.com/admin/kjo-eshte-letra-e-borrellit-me-kushtet-per-kurtin/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024