Numër i vogël i serbëve vazhdojnë protestat në veri
Lajme
Lexohet për: 2 min.
11 muaj më parë
Linku u kopjua

Serbët edhe sot janë mbledhur para ndërtesave të komunave në Leposaviq, Zveçan dhe Zubin Potok, për të protestuar kundër prezencës së Policisë së Kosovës dhe kryetarëve shqiptarë të këtyre komunave.

Numri i tyre në mëngjes është më i vogël për shkak të motit me shi, derisa nëpër disa komuna punëtorët janë nënshkruar në librat e evidencës për prezencën e tyre.

Autoblindat e Policisë së Kosovës, të cilat ditë më parë ndryshuan lokacionin dhe u vendosën prapa objekteve komunale, nuk kanë lëvizur dhe po qëndrojnë aty.

Ushtarët  e KFOR-it, ndonëse në numër shumë të vogël, vazhdojnë të qëndrojnë përreth ndërtesave të komunave.

Ata edhe në Leposaviq kanë larguar krejtësisht telat gjemborë, njëjtë sikurse në Zveçan.

Vlen të theksohet se gjatë ditëve të vikendit janë shënuar një sërë ngjarjesh kulturore e sportive nga ana e protestuesve.

Një numër i të rinjve në formë kujdestarie ka qëndruar edhe gjatë natës në Zveçan, afër ndërtesës së komunës.

Situata e përgjithshme e sigurisë në këto komuna vrazhdon të jetë e qetë. /A.Damati/

Kush do ti fitojë zgjedhjet në Kosovë?
VV
PDK
LDK
AAK-Nisma
Lista GUXO
Nuk e di
Voto
1,988
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024