Begaj: Të bëhemi bashkë për të mirën dhe zhvillimin e kombit shqiptar
Lajme
Lexohet për: 2 min.
8 muaj më parë
Linku u kopjua

Presidenti i Shqipërisë, Bajram Begaj ka deklaruar se ende ka punë për të bërë për kombin shqiptar, por është shprehur i sigurt që do të arrihen me sukses për sa kohë të lihen pas përçarjet dhe bashkohemi për të mirën dhe zhvillimin e kombit tonë.

Begaj në seancën solemne të Kuvendit Komunal të Prizrenit për nder të 145-vjetorit të Lidhjes Shqiptare të Prizrenit, tha se ndihet krenar me të arriturat e Shqipërisë, Kosovës e Maqedonisë dhe të gjitha të arriturat e kombit tonë i kanë rrënjët edhe te veprimtaria e lavdishme e patriotëve të Lidhjes Shqiptare të Prizrenit.

Kryetari i Komunës së Prizrenit, Shaqir Totaj tha se Lidhja Shqiptare e Prizrenit është organizimi më i suksesshëm politiko ushtarake pas kohës së Skënderbeut dhe ka qenë e mbetet frymëzim për atdhetarët, historianët e politikanët anekënd botës.

Kurse, kryetari i komunës së Tetovës, Bilall Kasami tha se pas Besëlidhjes së Lezhës së Skënderbeut, Lidhja e Prizrenit përfaqëson ngjarjen e dytë më të rëndësishme shqiptare, rizgjimin politik kombëtar në kuadër të perandorisë osmane në një kohë kur tokat shqiptare rrezikoheshin nga të katër anët.

Kryetari i Gjakovës, Ardian Gjini tha se beson që nuk ka vend në Kosovë, Shqipëri, Luginë kudo që nuk ndihet mirë kur e shohin Prizrenin mirë.

Nënkryetari i Bashkisë së Tiranës, Pandi Seferi tha se sot misioni i përbashkët i të gjithë kryetarëve të komunave është pikërisht ndërtimi i urave midis nesh.

Lajmi i plotë me parapagim:

https://kosovapress.com/admin/145-vjet-nga-formimi-i-lidhjes-se-prizrenit/
https://kosovapress.com/admin/shenohet-145-vjetori-i-lidhjes-se-prizrenit-cilesohet-si-model-per-frymezimin-e-brezave/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024