Scaroni: Maldini nuk i duhej më Milanit
Sport
Lexohet për: 2 min.
1 vit më parë
Linku u kopjua

Presidenti i Milanit, Paolo Scaroni ka zbuluar se Paolo Maldini nuk ndjehej mirë me strukturën e re të klubit dhe se atyre nuk ju nevojitej më, por nuk e mohoi se legjenda e “Rossonerëve” shpresonte ta sillte Andrea Pirlon si trajner.

Shkarkimi i Maldinit nuk u prit mirë nga tifozët, ndërsa pas tij klubi e largoi edhe drejtorin sportiv Ricky Massara, raporton KosovaPress.

Lojtarët dhe tifozët mbetën të habitur, me shumë prej tyre që ishin të nervozuar me shefin e RedBird, Garry Cardinale.

“Ne kishim ndjenjën se Paolos nuk i pëlqente kjo organizatë, kështu që kur dikujt nuk i pëlqen diçka, është më mirë t’i ndash rrugët. Është e vërtetë që Maldini kishte ndikim të madh në disa nga bisedimet dhe deri në këtë ditë ne jemi tejet falënderues për të. Por, më duhet të them se këtyre ditëve, shpresoj që nuk tingëllon keq, por neve nuk na duhet ai shumë”, tha Scaroni.

Ka pasur spekulime se Maldinit nuk i pëlqente më trajneri Stefano Pioli, dhe se ai dëshironte të sillte Andrea Pirlon si trajner të ri.

“Nuk dua të komentoj për idenë e shkarkimit, por mund t’i them po kësaj. Pioli absolutisht është kryesori i projektit”, tha Scaroni.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024