Xavi flet për vendimin e Messit dhe rikthimin e Neymar
Sport
Lexohet për: 2 min.
1 vit më parë
Linku u kopjua

Trajneri i Barcelonës, Xavi Hernandez, ka konfirmuar se ish-sulmuesi Neymar nuk është pjesë e planeve të klubit për afatin kalimtar veror.

Së fundi u shfaqën raporte që pretendonin se Neymar ishte ofruar te “Blaugranët” pasi Lionel Messi vendosi të bashkohej me Inter Miamin. Madje u sugjerua se superylli i PSG-së do të ishte i gatshëm të ulte pagën e tij për të mundësuar një rikthim në Katalonjë.

Megjithatë, 31-vjeçari nuk është një lojtar që stafi sportiv i Barçës po e shikon në këtë moment dhe të njëjtën gjë e ka konfirmuar edhe Xavi në intervistën e tij për “Jigantes”, përcjellë KosovaPress.

https://kosovapress.com/admin/flet-messi-ja-pse-nuk-u-ktheva-te-barca/

“Teorikisht, ai nuk është në planin tonë sportiv. E vlerësoj jashtëzakonisht shumë si person, por ai nuk është prioritet”, tha Xavi.

Së fundi, Barça dështoi për ta rikthyer Messin, i cili vendosi që të transferohet tek Inter Miami në Amerikë, përcjllë KosovaPress.

“Ditët, javët e fundit, kisha vënë re se ai nuk e shihte qartë kthimin e tij. Duhet ta kuptoni, nuk është e lehtë të jesh Messi. Të gjithë janë të interesuar për ju, ai kurrë nuk ka paqe. Leo e shpjegoi këtë, për dy vitet e fundit ai ishte i pakënaqur. E kuptoj që ai nuk dëshiron më shumë presion. Kam folur shumë me të. Kam folur shumë me Messin dhe të gjithë ishim të emocionuar. Por në fund, nuk ka ndodhur. Ai i ka shpjeguar shumë mirë rrethanat. Ai dëshiron një jetë më të qetë dhe më familjare. Është vendim personal i Messit dhe ju duhet ta respektoni atë sepse ai është lojtari më i mirë në histori. Isha i bindur se do të bënim mirë me të.”, tha në fund Xavi.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024