Takimi me emisarët, Osmani: Zgjedhjet vetëm në përputhje me ligjin
Lajme
Lexohet për: 2 min.
1 vit më parë
Linku u kopjua

Presidentja e vendit, Vjosa Osmani, është deklaruar pas takimit që ka zhvilluar me emisarin e Bashkimit Evropian, Miroslav Lajcak, dhe të dërguarin amerikan për Ballkanin, Gabriel Escobar.

Ajo ka thënë se aty ka theksuar se zgjedhjet e reja janë të mundshme vetëm në përputhje me ligjet e Kosovës dhe parimet demokratike, përfshirë pjesëmarrjen e gjithëve.

“Theksova se mosndëshkimi për grupet dhe individët kriminalë që kanë ushtruar dhunë ndaj policisë, gazetarëve, KFOR-it, EULEX-it dhe qytetarëve nuk duhet toleruar. Nënvizova se zgjedhjet e reja janë të mundshme në përputhje me ligjin dhe parimet demokratike përfshirë pjesëmarrjen e të gjithëve”, ka deklaruar Osmani.

https://twitter.com/VjosaOsmaniPRKS/status/1666142591362973696

Osmani ka shkruar se në këtë takim ka shprehur përkushtimin e Kosovës për të vazhduar punën me partnerët për të siguruar sundimin e ligjit në veri të Kosovës.

“Në takimin e sotëm me Gabriel Escobar dhe Miroslav Lajcak, shpreha përkushtimin tonë të plotë për të vazhduar punën me partnerët për të siguruar sundimin e ligjit në veri të Kosovës. Diskutuam hapat e ardhshëm në përpjekjet tona të përbashkëta për paqen dhe stabilitetin afatgjatë në rajonin tonë”, ka shkruar Osmani në Twitter.

https://twitter.com/VjosaOsmaniPRKS/status/1666142588447891456

Përveç Osmanit, emisarët kanë takuar edhe kryeministrin Albin Kurti, të cilit i kanë paraqitur propozimin me tri elemente. I pari është de-eskalimi i situatës në terren në tri komunat veriore, pastaj zgjedhje të shpejta në këto komuna si dhe rikthimi në dialog.

https://kosovapress.com/admin/%e2%80%8bemisaret-pas-takimit-me-kurtin-te-degjohen-kerkesat-tona/

Pas takimit, të dy deklaruan se faktori ndërkombëtar është unik në këto kërkesa dhe shpresojnë se të njëjtat do të dëgjohen.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024