Finalen dramatike të Ligës së Kampionëve e fitojnë vashat e Barcelonës
Sport
Lexohet për: 1 min.
1 vit më parë
Linku u kopjua

Vashat e Barcelonës e kanë fituar Ligën e Kampionëve për femra, duke e mposhtur në finale Wolfsburgun.

Pas plot 90’ minutave lojë të zhvilluara në stadiumin “Phillips” u shënuan plot pesë gola, ku vashat e Barcelonës i kanë mposhtur ato të Wolfsburgut me shifrat 3:2, raporton KosovaPress.

Ndeshja ishte tejet e zjarrtë, ku Wolfsburgu avanconte 2:0 në pjesën e parë me ndihmën e golave nga Ewa Pajor (minuta e 3’) dhe Alexandra Popp (minuta e 37’).

Ndërkaq, Barcelona u këndell në pjesën e dytë, kur edhe e filloi përmbysjen e madhe. Fillimisht, Gutierrez Guijarro shënon në minutën e 48’ për 2:1, kurse e barazon rezultatin në 2:2 në minutën e 50’.

Golin e epërsisë për Barçën e shënoi Fridolina Rolfo, e cila shënon në minutën e 70’ për 3:2, gol ky i cili rezultoi të jetë goli i fitores në këtë finale.

Rezultati final i ndeshjes, 3:2 në favor të vashave të Barçës.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024