Komandanti i KFOR-it: Disa protestues qëllimisht e kanë nxitur turmën në Zveçan
Lajme
Lexohet për: 2 min.
1 vit më parë
Linku u kopjua

Komandanti i KFOR-it, Gjeneral Major Angelo Michele Ristuccia, ka folur për protestat e serbëve në veri të Kosovës.

Ai ka deklaruar se në Zveçan ka pasur protestues të cilët qëllimisht e kanë nxitur turmën.

“Në sheshin në Zveçan ka pasur profesionistë të protestës të cilet me dashje e kanë nxitur turmën”, ka thënë ai në një intervistë për mediumin italian “La Reppublica”.

Ai ka shtuar se “Nëse nuk do të kishim ndërhyrë tani do ta mbanim zi për të vdekurit”.

Komandanti Ristuccia ka përmendur po ashtu ushtarët e KFOR-it të cilët mbetën të lënduar si pasojë e sulmeve të protestuesve.

“Siç e dini, 30 ushtarë të KFOR-it, 19 hungarezë dhe 11 italianë, u sulmuan nga një sulm frikacak gueril urban të hënën, më 29 maj”, ka thënë ai.

Ndryshe, serbët në veri kanë filluar protestën të premten (26 maj). Protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve.

Ata kanë hedhur gjësende të ndryshme në drejtim të paqeruajtësve, derisa kanë dëmtuar vetura të mediave, duke e djegur tërësisht veturën e një televizioni.

Si pasojë e protestave të dhunshme, janë plagosur 30 ushtarë të KFOR-it, ndërkohë që serbët kanë sulmuar edhe Policinë e Kosovës dhe gazetarët.

Shtetet e Bashkuara kanë kritikuar Kosovën për përshkallëzimin e tensioneve me Serbinë, derisa anuluan edhe pjesëmarrjen e vendit në një stërvitje ushtarake të NATO-s “Defender 23”, pasi Prishtina refuzoi t’i tërheqë kryetarët e komunave dhe forcat e saj policore nga veriu i vendit.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024