MPB pas sulmeve ndaj policëve: Kriminelët do të identifikohen
Lajme
Lexohet për: 1 min.
1 vit më parë
Linku u kopjua

Ministria e Punëve të Brendshme ka deklaruar se kriminelët në veri të cilët kanë sulmuar pjesëtarët e Policisë së Kosovës, do të identifikohen dhe ballafaqohen me drejtësinë.

Pasi u sulmuan policë, e u dëmtuan vetura të këtij institucioni, MPB ka deklaruar se veprime të tilla janë të papranueshme.

https://kosovapress.com/admin/protestat-ne-veri-lendohet-nje-polic/

Siç ka shkruar MPB, sot pjesëtarët e Policisë së Kosovës janë sulmuar dy herë radhazi në Zveçan nga grupe të maskuara kriminale.

“Sulmet e tilla janë të papranueshme. Këto grupe huliganësh po vijojnë të dëshmojnë se janë të orkestruara dhe të dirigjuara nga Beogradi që të destabilizojnë vendin tonë. Sulmet e tyre po rrezikojnë jetën e zyrtarëve policorë, pjesëtarëve të KFOR, gazetarëve dhe të gjithë qytetarëve në veri të vendit. Kriminelët do të identifikohen dhe do të ballafaqohen me drejtësi”, ka deklaruar Ministria e Brendshme.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024