Federata e Basketbollit të Kosovës (FBK) ka bërë të ditur se Kosova do të marr pjesë me pesë kombëtaret e saj në garat ndërkombëtare në basketboll.

Kombëtarja që fillon garat e para është Kosova U20 te meshkujt, e cila në Shkup fillon rrugëtimin në FIBA Kampionatin Evropian U20, garë kjo që zhvillohet nga data 7 deri më 16 korrik, raporton KosovaPress.

Rrugëtimin evropian e vazhdon Kosova U18 te djemtë, që zhvillon ndeshje në Portugali nga data 21 deri më 30 korrik.

Më pas, vashat e Kosovës U18 do të udhëtojnë drejt Durrësit, ku nga data 1 deri më 8 gusht do të zhvillojnë ndeshje në kuadër të Evropianit U20 të femrave.

Aventurat në garat evropiane do të mbyllen me Kombëtaren U20 të vajzave, të cilat do të luajnë më Evropianin U20 në Rumani nga data 28 korrik deri më 6 gusht.

Ngjarja kulmore është në Prishtinë, ku Kosova është nikoqire e FIBA Kampionatit Evropian, nga datat 19-27 korrik.