Gashi: Sanksionet janë jashtëzakonisht të rrezikshme për Kosovën
Lajme
Lexohet për: 3 min.
10 muaj më parë
Linku u kopjua

Sanksionet e Shteteve të Bashkuara karshi Kosovës pas situatës së tensionuar në veri të vendit, Lidhja Demokratike e Kosovës i vlerëson si jashtëzakonisht të rrezikshme për Kosovën. Dhe sipas kësaj partie, Kosova në asnjë rrethanë nuk duhet të vijë në një moment të përballet me sanksione nga ShBA.

Kështu deklaroi pas mbledhjes së Kryesisë së Kuvendi, shefi i Grupit Parlamentar të Lidhjes Demokratike të Kosovës, Arben Gashi, i cili tha se situatë në veri të vendit është delikate.

Ai kërkoi sjellje të vetëdijshme politike karshi situatës së krijuar në komunat veriore, Gashi theksoi se kryeministri i Kosovës, Albin Kurti po sillet në mënyrë tekanjoze dhe të paarsyeshme.

Lidhur me sanksionet e ShBA-ve karshi Kosovës, Gashi konsideron se këto sanksione janë diçka e rrezikshme për Kosovën.

Lexo po ashtu
Moti sot
Sipas tij, raportet e punës në mes kryeministrit Kurti dhe ShBA-ve janë të lënduara.

Ai theksoi se institucionet e vendit duhet të shohin interesin shtetërore dhe të punojnë në ruajtjen e raporteve me SHBA-të.

Sipas deputetit të LDK-së, opozita nuk po hesht karshi gjendjen së krijuar në veri të Kosovës dhe se në vazhdimësi kanë përkrahur institucionet e Kosovës.

Ai tha se nëse opozita do të dilte me sugjerime konkrete kjo do të ishte e dëmshme për vendin.

Deputeti i LDK-së kërkoi nga institucionet e Kosovës të sillen me dinjitet dhe përgjegjësi karshi situatës së tensionuar në veri të vendit.

Lajmi i plotë është në sistemin me parapagim.

Tash e tri ditë në komunat veriore po vazhdojnë protestat e serbëve, të cilët po kundërshtojnë kryetarët e zgjedhur shqiptarë në zgjedhjet e mbajtura më 23 prill.

Të hënën, protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve. Ata kanë hedhur gjësende të ndryshme në drejtim të paqeruajtësve, derisa kanë dëmtuar vetura të mediave, duke e djegur tërësisht veturën e një televizioni.

Si pasojë e protestave të dhunshme janë plagosur 30 ushtarë të KFOR-it.

Shtetet e Bashkuara kanë kritikuar Kosovën për përshkallëzimin e tensioneve me Serbinë, derisa kanë anuluar edhe pjesëmarrjen e vendit në një stërvitje ushtarake të NATO-s “Defender 23”, pasi qeveria ka refuzuar t’i tërheqë kryetarët e komunave dhe forcat e saj policore nga veriu i vendit./B.Ibishi/

https://kosovapress.com/admin/%e2%80%8bkonjufca-per-situaten-ne-veri-po-keqkuptohemi-deklaratat-e-blinken-gje-e-keqe/
https://kosovapress.com/admin/lajcak-per-situaten-ne-veri-nese-kriza-nuk-perfundon-te-gjithe-humbasin/
https://kosovapress.com/admin/%e2%80%8bsot-me-shume-protestues-serbe-ne-zubin-potok-provokojne-me-kenge-nacionaliste/
https://kosovapress.com/admin/blinken-te-ulen-tensionet-ne-veri-palet-ti-kthehen-dialogut/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024