​Zhvillimet në veri, reagon Tirana zyrtare: Dhuna të ndalet menjëherë
Lajme
Lexohet për: 2 min.
11 muaj më parë
Linku u kopjua

Ministrja e Jashtme e Shqipërisë, Olta Xhaçka ka dënuar sulmet e dhunshme të paprovokuara kundër forcave të KFOR-it dhe gazetarëve duke i cilësuar ato si të papranueshme dhe që duhet të ndalen menjëherë.

“Shprehim mbështetjen tonë të plotë për KFOR-in dhe urojmë shërim të shpejtë për ushtarët e lënduar”, shkroi Xhaçka.

Kryediplomatja shqiptare tha se shtensionimi i situatës së krijuar është kyç në këtë moment.

“Dialogu i ndërmjetësuar nga Bashkimi Evropian është rruga drejt normalizimit të marrëdhënieve ndërmjet Kosovës dhe Serbisë dhe njohjes reciproke që do të sigurojë stabilitet të qëndrueshëm në rajonin tonë”, përfundoi Xhaçka.

https://kosovapress.com/admin/%e2%80%8bkurti-per-protestuesit-ne-veri-ekstremiste-te-dirigjuar-nga-beogradi-zyrtar/

Ndërsa nga Prishtina, kryeministri Albin Kurti, vlerësoi se protestat në veri nuk kane qenë paqësore por janë turma ekstremistësh të dirigjuara nga Beogradi zyrtar.

Këto komente Kurti i ka bërë në prani të ambasadorëve të QUINT-it të cilët i ka pritur pasditen e së hënës e për të cilën së fundmi ka pasur një komunikatë edhe nga Qeveria e Kosovës.

“Grafitet nacionaliste shoviniste serbe dhe aso pro-Kremlinit me ekstremistë të maskuar, që targetojnë, vandalizojnë dhe sulmojnë çdo gjë jo-serbe, është treguesi kryesor i motiveve prapa veprimeve të dhunshme, e të cilat duhet të dënohen ashpër nga të gjithë”, thuhet në komunikatë.

https://kosovapress.com/admin/%e2%80%8bquint-i-kerkon-qe-kryetaret-e-zgjedhur-ne-veri-te-mos-shkojne-ne-ndertesat-e-komunes/

Edhe kryeministrja italiane Giorgia Meloni ka reaguar pas zhvillimeve në komunat veriore të Kosovës ku 25 ushtarë të KFOR-it, prej tyre 11 italianë, janë plagosur pasi u sulmuan nga serbët me maska të grumbulluar e me objekte të forta.

Ajo ka dënuar sulmin ndaj misionit të KFOR-it pjesë e së cilës janë edhe ushtarë nga kombe të tjera, duke shtuar se nuk do të tolerojnë sulme të mëtejshme ndaj KFOR-it.

“Kjo që po ndodh është absolutisht e papranueshme dhe e papërgjegjshme. Ne nuk do të tolerojmë sulme të mëtejshme ndaj KFOR-it”, tha Meloni.

https://kosovapress.com/admin/%e2%80%8bmeloni-sdo-te-tolerojme-sulme-te-metejshme-ndaj-kfor-it/
https://kosovapress.com/admin/%e2%80%8bnato-denon-sulmet-ndaj-kfor-it-te-papranueshme/
A do te jetë qeveria e ardhshme VV-PDK?
Po
Jo
Nuk e di
Voto
142
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024