"Asociacion pa kompetenca ekzekutive", serbët në veri presin marrëveshje për situatën
Tema
Lexohet për: 3 min.
1 vit më parë
Linku u kopjua

Situata në komunat veriore vlerësohet e qetë pas incidenteve të së premtes ku kryetarët Zveçanit, Leposaviqit dhe Zubin Potokut, u penguan që të hyjnë në objektet komunale që për pasojë u lënduan disa policë si dhe u dogjën e u dëmtuan vetura zyrtare e civile.

Analisti nga veriu, Branisllav Kërstiq, konsideron se situata po tensionohet tash kur ka marrëveshje dhe po kërkohet me ngulm zbatimi i tyre nga ndërkombëtarët.

Duke nënkuptuar zgjedhjen e nënkryetares së Mitrovicës së Veriut, Katarina Axhanqiq, Kërstiq thotë se nuk mund të merren njerëz të pashkolluar për t’u emëruar në institucione vetëm pse janë të nacionalitetit serb.

https://kosovapress.com/admin/%e2%80%8bescobar-nga-senati-asociacioni-nuk-e-prek-kushtetutshmerine-e-kosoves/

Kërstiq thotë se mesazhet për shmangien e tensioneve të mëtutjeshme janë shumë serioze, ndërsa beson se epilogu përfundimtar rreth kësaj situate do të përcaktohet me ndikimin e fuqive euroatlantike.

Kërstiq potencon se deri në fund të vitit 2023 do të formohet një lloj i Asociacionit për serbët, por pa kompetenca ekzekutive dhe territoriale, ndërsa deri në shtator të vitit të ardhshëm ai e sheh të zgjidhur tërësisht problemin midis Kosovës dhe Serbisë. 

https://kosovapress.com/admin/ambasadori-gjerman-drafti-me-i-mire-i-asociacionit-mund-te-pergatitet-nga-kosova/

Serbët lokalë në veri urojnë për një marrëveshje sa më të shpejtë politike “për të rregulluar gjërat” në këto komuna. Ata thonë se nuk i njohin kryetarët e rinj të komunave të zgjedhur përmes votës më 23 prill.

Svetomir Boshkoviq, qytetar nga veriu i Mitrovicës, duke folur për kryetarin e sapozgjedhur të Mitrovicës Veriore, Erden Atiq, thotë se i dëshiron suksese në udhëheqjen e qytetit. Ai përmend punën e Policisë së Kosovës për të vënë rregull në komunikacion si hap pozitiv ditëve të fundit.

https://kosovapress.com/admin/pikenisja-eshte-akti-i-prezantimit-bislimi-lajcaku-e-saktesoi-deklaraten-per-asociacionin/

Millena Jakshiq, qytetare nga Zubin Potoku bën të ditur se nuk i njeh kryetarët e rinj, por thotë se shpreson se deri në fund të këtij viti gjërat do të rregullohen në kuadër të një marrëveshjeje politike. 

https://kosovapress.com/admin/osmani-pikenisja-per-asociacionin-duhet-te-jete-kushtetuta-e-kosoves/

Lajmi i plotë është në sistemin me parapagim.

Tensionet në veri të vendit u shtuan pasi njerëz me të dyshuar kriminale penguan kryetarët e zgjedhur më 23 prill të hyjnë në objektet e Kuvendeve Komunale në Zveçan, Leposaviq si dhe Zubin Potok.

Për shkak të sulmeve ndaj tyre, policia u detyrua që të përdorë gazin lotsjellës si dhe shok-bomba për të shpërndarë qytetarët, të cilët përpos Policisë, sulmuan edhe përfaqësuesit e mediave si dhe civilë të tjerë.

https://kosovapress.com/admin/minxhozi-situata-ne-veri-patjeter-duhet-te-ctensionohet/

Policia deklaroi se të paktën pesë zyrtarë janë lënduar si pasojë e sulmeve ndaj tyre.

Ndërkombëtarët, të prirë nga Shtetet e Bashkuara, kërkuan nga Kosova që të përmbahet nga “çdo veprim i mëtejmë që do t’i ndezë tensionet dhe do të nxisë konflikt”, ndërkaq Bashkimi Evropian, po ashtu dënoi “veprimet e njëanshme” të Prishtinës.

https://kosovapress.com/admin/situata-ne-veri-kurti-opsionet-tjetra-do-te-ishte-mospermbushje-e-obligimeve-kushtetuese/

Kryeministri i Kosovës, Albin Kurti u shpreh se shkuarja në vendet e punës së kryetarëve të rinj, të zgjedhur në zgjedhjet e 23 prillit në komunat në veri duhej të ishte gjëja më normale e mundshme./A.Damati/ 

https://kosovapress.com/admin/policia-situata-ne-veri-tani-eshte-qetesuar-te-perkushtuar-per-sigurine-e-te-gjitheve/
A do te jetë qeveria e ardhshme VV-PDK?
Po
Jo
Nuk e di
Voto
478
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024