Borxhet e FSSh-së i lënë pacientët pa shërbime shëndetësore, Vitia: Do të bëhet një plan
Shëndetësi
Lexohet për: 3 min.
1 vit më parë
Linku u kopjua

Borxhi prej rreth 30 milionë eurove i Fondit të Sigurimeve Shëndetësore karshi institucioneve private në vend dhe atyre jashtë vendit, po i lë pacientët pa marrë trajtim shëndetësor për mjekimin që nuk po mund ta marrin në institucionet publike në vend. Kjo po ndodh pasi që fletë-zotimet e lëshuara nga FSSH nuk po njihen nga këto spitale për shkak të borxheve të papaguara.

Shoqata për të Drejtat e Pacientëve kërkon që sa më shpejt institucionet përgjegjëse të gjejnë një zgjidhje për pagesën e këtij borxhi, pasi pacientët vetëm sa po varfërohen, duke u munduar t’i sigurojnë vetë mjetet për shërim.

Ndërsa, nga Fondi për Sigurime Shëndetësore thonë se si institucion nuk kanë mjete për shlyerjen e këtij borxhi milionësh, ndërkaq ministri i Shëndetësisë, Arben Vitia deklaron se do të bëhet një plan për këtë çështje bazuar në evidenca.

Kryetari i PRAK-ut, Besim Kodra deklaron për KosovaPress se pacientët e Kosovës po pësojnë nga këto telashe financiare që i ka Fondi për Sigurime Shëndetësore.

Ndërsa, ushtruesi i detyrës së Fondit për Sigurime Shëndetësore, Bujar Kaçuri deklaron se tashmë kanë themeluar një Komision që ka për obligim evidentimin e borxheve, të cilat Fondi i ka në spitalet private e publike jashtë vendit.

Edhe ushtruesi i detyrës së drejtorit të FSSH-së, Bujar Kaçuri pranon se ka raste kur spitalet ndaj të cilave ka borxhe Fondi, pacientëve nuk po ua pranojnë fletë-zotimet e lëshuara nga ky institucion.

Ndërkaq, ministri i Shëndetësisë, Arben Vitia, duke mos dhënë ndonjë afat se kur mund të bëhen këto pagesa deklaron për KosovaPress se kanë takuar spitalet ndaj të cilave Fondi ka borxhe dhe tashmë po presin evidencat e një grupi punues në bazë të të cilave do të hartohet edhe plani për shlyerjen e këtyre borxheve.

Lajmi i plotë është në sistemin me parapagim.

Vitin e kaluar për shkak të dyshimeve për keqpërdorim dhe keqmenaxhim  për trajtimin e pacientëve në klinikat private jashtë vendit, kryesisht në Turqi. Bordi i Fondi e ka shkarkuar nga detyra e drejtorit të Fondit, Fatmir Plakiqin./B.Ibishi/

https://kosovapress.com/admin/%e2%80%8bsigurime-shendetesore-sdo-te-kete-edhe-minimum-4-vjet/
https://kosovapress.com/admin/fondi-per-sigurime-shendetesor-nuk-ka-buxhet-ta-shlyej-borxhin-rreth-30-milione-euro/
https://kosovapress.com/admin/kete-vit-70-paciente-me-urgjence-kerkuan-ndihme-financiare-nga-fssh/
https://kosovapress.com/admin/%e2%80%8bshskuk-nuk-u-ofron-sherim-rreth-1-mije-paciente-kerkojne-trajtim-shendetesor-jashte-vendit/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024