Largohet një kamion-barrikadë në Zveçan, situata është qetë, por nën tension
Lajme
Lexohet për: 2 min.
8 muaj më parë
Linku u kopjua

Situata në komunën e Zveçanit, në veri të Kosovës, aktualisht është e qetë, por nën tension.

Forcat e Njësisë Speciale të Policisë së Kosovës janë duke qëndruar përreth objektit të komunës së Zveçanit, raporton KosovaPress.

https://kosovapress.com/admin/situata-ne-veri-kurti-opsionet-tjetra-do-te-ishte-mospermbushje-e-obligimeve-kushtetuese/

Para pak çastesh është larguar një kamion-barrikadë nga forcat e Policisë së Kosovës.

Pesë policë janë lënduar dhe katër automjete janë dëmtuar dje (26 maj) nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur.

https://kosovapress.com/admin/svecla-pergezoj-policine-per-profesionalizmin-ne-ballafaqimin-me-grupe-kriminale-ne-veri/

Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit. Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet, të cilat përdoren nga strukturat kriminale për mobilizim dhe tubime.

Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten (25 maj). Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

https://kosovapress.com/admin/quint-i-autoritetet-e-kosoves-te-zmbrapsen-menjehere/

Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

Kryetarët paraprakë nga kjo parti, kanë dhënë dorëheqje nëntorin e vitit të kaluar. Ata janë larguar nga institucionet në shenjë pakënaqësie me vendimin e Qeverisë së Kosovës që ka obliguar qytetarët t’i kthejnë targat e veturave nga ilegale në ato të Republikës së Kosovës./KosovaPress

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024