Fillon “lufta” për të siguruar pjesëmarrjen në elitën e futbollit shqiptar
Sport
Lexohet për: 1 min.
10 muaj më parë
Linku u kopjua

Sot me fillim nga ora 16:00 do të zhvillohen dy ndeshjet e “PlayOff-it”, ku katër skuadra do të “luftojnë” për të siguruar pjesëmarrjen në Superligën e Shqipërisë.

Në stadiumin “Flamurtari” në Vlorë, skuadra e Apolonia Fierit do të zhvillojë ndeshje si mysafire kundër Flamurtarit, raporton KosovaPress.

Flamurtari i mbylli garat e rregullta në Ligën e Parë duke u pozicionuar në vendin e tretë me 46 pikë, krahas Apolonisë së Fierit që u rendit e gjashta me 38 pikë të arkëtuara.

Ndërkaq, krahas këtij takimi do të zhvillohet edhe ndeshja tjetër mes Tomori Beratit dhe Korabi Peshkopisë.

Tomori Berati i mbylli garat e rregullta në vendin e katërt me 43 pikë të arkëtuara, krahas Korabi Peshkopisë që zuri vendin e pestë në kuotën e 38 pikëve.

Nga Liga e Parë, Skenderbeu dhe Dinamo janë dy skuadrat që kanë siguruar automatikisht hyrjen në elitën futbollit shqiptar.

16:00 Flamurtari – Apolonia Fier

16:00 Tomori Berat – Korabi Peshkopi

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024