KQZ vëzhgon zgjedhjet në Shqipëri, fokus votimi i pjesshëm elektronik dhe numërimi i votave
Tema
Lexohet për: 2 min.
1 vit më parë
Linku u kopjua

Komisioni Qendror i Zgjedhjeve (KQZ) do të vëzhgojë zgjedhjet lokale të 14 majit në Shqipëri. Një delegacion i KQZ-së së Kosovës, në përbërje të të cilit do të jenë anëtarët e këtij institucioni dhe një staf nga sekretariati, do të shohin nga afër implementimin e teknologjisë në procesin zgjedhor në Shqipëri, veçmas identifikimin dhe votimin elektronik në tri bashki.

Zëdhënësi i KQZ-së, Valmir Elezi, thotë për KosovaPress se ky vëzhgim është në kuadër të bashkëpunimit të mirë që kanë institucionet zgjedhore në të dy vendet.

Elezi thekson se qëllimi kryesor është shkëmbimi i përvojave zgjedhore mes Kosovës dhe Shqipërisë.

https://kosovapress.com/admin/begaj-mesazh-per-14-majin-votoni-e-sigurohuni-qe-do-te-degjoheni-neser-e-ditet-ne-vijim/

Ai shton se gjatë këtij vëzhgimi, vëmendje më e madhe do t’i kushtohet votimit të pjesshëm elektronik në 401 vendvotime të bashkive Elbasan, Kamëz dhe Vorë, si dhe numërimin e votave që zhvillohet në Komisionet e Zonave të Administrimit Zgjedhor.

“Natyrisht se si çdo fazë e procesit zgjedhor ka rëndësi për KQZ-në, por meqenëse vëzhgimi është i kufizuar vetëm në disa ditë, atëherë vëmendje do t’i kushtohet aplikimit të teknologjisë në procesin zgjedhor. Në këtë rast, sa i përket votimit elektronik në tri bashki të ndryshme, si dhe identifikimit elektronik të votueseve.”, thekson ai.

https://kosovapress.com/admin/zgjedhjet-vendore-te-14-majit-ne-shqiperi-qeveria-fond-shtese-kqz-se-prej-afro-18-mln-eurosh/

Republika e Kosovës, falë zbatimit të teknologjisë arrin që të publikojë rezultatet preliminare të zgjedhjeve vetëm pak orë pas përfundimit të procesit të votimit në vendvotime si dhe u mundëson qytetarëve që ta ndryshojnë qendrën e tyre të votimit përmes telefonit.

Zgjedhjet lokale në Shqipëri do të mbahen nesër (e diel) më 14 maj. KQZ-ja ka vëzhguar zgjedhjet në Shqipëri edhe në të kaluarën./E.Zeqiri/

https://kosovapress.com/admin/kqz-shpall-rezultatet-per-zgjedhjet-ne-veri/
A do te jetë qeveria e ardhshme VV-PDK?
Po
Jo
Nuk e di
Voto
485
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024