Pioli: Leao mund të jetë gati për sfidën ndaj Interit
Sport
Lexohet për: 2 min.
1 vit më parë
Linku u kopjua

Trajneri i Milanit, Stefano Pioli pranon se ka mundësi që Rafael Leao të luajë kundër Interit të mërkurën, por nëse ai nuk mund të startojë, ai nuk do të jetë as në stol.

Anësori portugez pësoi një dëmtim muskulor gjatë fitores 2-0 ndaj Lazios të shtunën. Ai nuk ishte stërvitur të hënën, por u pa në fushë gjatë seancës stërvitore të Milanit të martën në mëngjes, megjithëse nuk iu bashkua pjesës tjetër të ekipit dhe vazhdoi të punonte në një program individual.

Trajneri i Milanit, Pioli foli për “Sky Sport Italia” përpara konferencës së tij për shtyp para ndeshjes të martën duke thënë se Leao mund të jetë në dispozicion kundër “Nerazzurrëve”, por nëse ai nuk mund të startojë, ai as nuk do të jetë as në stol, përcjellë KosovaPress.

Milani do të stërvitet sërish të mërkurën në mëngjes, kur Pioli do të marrë një vendim përfundimtar për disponueshmërinë e yllit të tij.

“Leao do të vazhdojë të provojë deri nesër në mëngjes, nëse ndihet mirë, do të luajë”, vazhdoi Pioli. "Është ende gjithçka e hapur."

Për mungesën e Leao ka folur edhe trajneri i Interit SImone Inzaghi duke thënë se prezenca e tij ose jo në fushë nuk e ndryshon aspak situatën në derbi.

Leao ka shënuar 13 gola në 44 paraqitje në të gjitha garat me Milanin këtë sezon, duke përfshirë një në 10 ndeshje të Ligës së Kampionëve.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024