​Berisha: Në 8 vite u larguan nga Shqipëria 35% e popullatës
Rajoni
Lexohet për: 2 min.
1 vit më parë
Linku u kopjua

Ish-kryeministri i Shqipërisë, Sali Berisha ditën e sotme (e martë) në një deklaratë për media ka denoncuar publikisht ndërhyrjen e kryeministrit Edi Rama që po bën në fushatën elektorale të Turqisë. Gjithashtu, ai akuzoi se është arsyeja pse shqiptarët po largohen nga Shqipëria.

Berisha tha se Rama po mashtron, manipulon dhe varfëron shqiptarët. Ai deklaroi se 10 vite më parë në Shqipëri ishin rrogat më të larta në rajon përfshirë edhe vendet e BE-së, ndërsa tani rrogat janë më të ulëta edhe se në Kosovë.

“10 vite më parë, shqiptarët ishin qytetarët me rrogat më të larta në rajon, përfshi këtu edhe dy vende anëtare të BE, Bullgarinë dhe Rumaninë. Sot, qytetarët shqiptarë kanë rrogat më të ulëta në rajon, 30-40% më të ulëta se vetë Kosova… Në 8 vite, u larguan nga Shqipëria 35% e popullatës së vendit, më shumë se u larguan nga Siria në luftë civile apo se ç’po largohen nga Ukraina pas agresionit barbar”, deklaroi Berisha.

Berisha synoi që nëpërmjet kësaj deklarate t’i përçojë një mesazh komunitetit shqiptar i cili ndodhet në Turqi, duke kërkuar që të mos dëgjojnë Ramën, që ka mbështetur Erdoganin, por të të votojnë të lirë për dinjitetin dhe të ardhmen e tyre.

Të dielën në Shqipëri mbahen zgjedhjet lokale ku votuesit shqiptarë do të zgjedhin 61 kryebashkiakët e rinj si dhe këshilltarët bashkiakë. Gara është kryesisht mes Partisë Socialiste të Edi Ramës dhe koalicionit “Bashkë fitojmë” të Ilir Metës dhe Sali Berishës. Ndërsa Partia Demokratike e Shqipërisë e Enkelejd Alibeajt garon në disa bashki.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024