Osmani në Ditën e Evropës: Kosova është mishërim i vlerave evropiane
Lajme
Lexohet për: 2 min.
9 muaj më parë
Linku u kopjua

Presidentes së Republikës së Kosovës, Vjosa Osmani në një mesazh me rastin e Ditës së Evropës, ka theksuar se derisa afrohemi më shumë drejt Bashkimit Evropian, angazhimi ynë mbetet i palëkundur, sepse vendosmëria jonë për demokraci, paqe, të drejta të njeriut e sundim të ligjit, mbetet po ashtu e palëkundur.

Në mesazhin e Presidentes Osmani thuhet se Dita e Evropës është mundësi për të reflektuar mbi vlerat që na bashkojnë si popuj evropianë - liria, demokracia, të drejtat e njeriut dhe sundimi i ligjit.

https://kosovapress.com/admin/qeveria-kosova-po-i-afrohet-bashkimit-evropian/

“Këto parime themelore kanë qenë shtylla të rëndësishme të Bashkimit Evropian që nga formësimi i tij, e janë pikërisht këto vlera për të cilat Kosova dhe populli i saj ka luftuar historikisht dhe vazhdon t’i mbrojë edhe sot. Në këtë kohë përcaktuese, Dita e Evropës shërben si një kujtesë e fuqishme për rëndësinë e solidaritetit, unitetit dhe mbrojtjes së njëri-tjetrit. Le ta shfrytëzojmë këtë moment për të reflektuar mbi të gjitha sukseset që kemi arritur deri tani dhe për ta rikonfirmuar vullnetin tonë të pashembullt për suksese të reja në rrugën drejt integrimit evropian. Kosova dhe populli i saj kanë qenë, janë, dhe do të mbeten gjithnjë mishërim i këtyre vlerave. E gjersa afrohemi më shumë drejt Bashkimit Evropian, angazhimi ynë mbetet i palëkundur, sepse vendosmëria jonë për demokraci, paqe, të drejta të njeriut e sundim të ligjit, mbetet poashtu e palëkundur”, thuhet në mesazhin e Presidentes Osmani.

https://kosovapress.com/admin/%e2%80%8bsot-shenohet-dita-e-evropes/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024