Komunat në veri të Kosovës nuk e deklaruan pasurinë
Biznes
Lexohet për: 2 min.
1 vit më parë
Linku u kopjua

Tri komunat në veri të Kosovës vazhdojnë të mos i përgjigjen ligjeve dhe rregulloreve të institucioneve të Kosovës. As në deklarimin e pasurisë të cilën e ka publikuar Agjencia Kundër Korrupsion për vitin 2022, serbët që drejtonin këto komuna nuk iu kanë përgjigjur thirrjes për deklarimin e pasurisë.

Përveç që nuk paguajnë energjinë elektrike, mbeturinat e ujin, përfaqësuesit e institucioneve komunale në tri komunat në veri, vazhdojnë të mos respektojnë institucionet dhe ligjet e shtetit tonë. Që nga paslufta ato nuk mbledhin tatimin mbi pronë, tatimin për bizneset, e këto të fundit në kundërshtim me Kushtetutën përdorin edhe dinarin e Serbisë.

Pas zgjedhjeve komunale, këto komuna pritet të drejtohen nga shqiptarët. Megjithatë, në deklarimet e pasurisë të publikuar për vitin 2022, e të publikuara së fundmi nga Agjencia Kundër Korrupsion, në komunën e Zubim Potok nuk e kanë deklaruar pasurinë asnjë serbë, por vetëm gjashtë shqiptarët që janë këshilltarë në Kuvendin Komunal.

Kurse, Komuna e Zveçanit as që është futur në listën e komunave që deklarojnë pasurinë.

E në komunën e Mitrovicës së Veriut, pasurinë e ka deklaruar nënkryetarja e atëhershme e komunës, dhe 15 përfaqësues të tjerë.

Kurse, komunat tjera që drejtohen nga serbët, siç është Graçanica, Shtërpca, Parteshi, Ranillugu dhe Kllokoti, kanë marrë pjesë në deklarimin e pasurisë.

Përndryshe, komunat që drejtohen nga serbët, gjatë gjithë pandemisë COVID-19, nuk iu kanë përgjigjur institucioneve të Kosovës, as sa i përket ofrimit të të dhënave për numrin e të infektuarve, e as të vaksinuarve serbë.

https://kosovapress.com/admin/shperthim-afer-stacionit-policor-ne-veri/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024