Ia del Xhaka, starton në derbin City-Arsenal
Sport
Lexohet për: 1 min.
10 muaj më parë
Linku u kopjua

Sonte me fillim nga ora 21:00 stadiumi “Etihad” do të jetë nikoqir i super derbit anglez mes Manchester Cityt dhe Arsenalit, ndeshje kjo e vlefshme për xhiron e 33-të të Premier Ligës.

Kjo përballje ndryshe po cilësohet edhe si luftë direkte për titull, duke marrë parasysh se Arsenali është aktualisht lider, ndërsa City e ndjek nga pas në vendin e dytë, raporton KosovaPress.

“Topçinjtë” do ta kenë të vështirë sonte ndaj kampionit anglez, ku edhe kanë bilanc negativ në ndeshjet e kaluara.

Arsenali nuk ka arritur ta mposht Manchester Cityn në Premier Ligë që nga viti 2015, dhe kurrë nën urdhrat e Pep Guardiolas.  Që nga viti 2015, Arsenali ndaj Cityt ka një bilanc tejet negativ, duke regjistruar vetëm dy barazime dhe plot 14 humbje.

Momentalisht, Arsenali zë vendin e parë në tabelë me 75 pikë, pesë sosh më shumë se vendi i dytë, City që ka dy ndeshje më pak të zhvilluara.

Formacionet zyrtare:

Manchester City: Ederson, Walker, Diaz, Akanji, Stones, Rodrygo, De Bruyne, Hundogan, Bernardo, Grealish, Haaland

Arsenal: Eamsdale, White, Holding, Gabriel, Zinchenko, Partey, Xhaka, Odegaard, Saka, Martinelli, Jesus

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024