Caktohet data për ndeshjen e radhës mes Sigal Prishtinës dhe Trepçës
Sport
Lexohet për: 1 min.
10 muaj më parë
Linku u kopjua

Federata e Basketbollit të Kosovës (FBK) përmes një komunikate në faqen zyrtare ka bërë të ditur se Komisioni i Garave ka caktuar datën se kur do të zhvillohet përballja e radhës mes Sigal Prishtinës dhe KB Trepçës.

FBK ka njoftuar se ka shqyrtuar kërkesën e KB Prishtinës për shtyrje të ndeshjes, ku kryeqytetasit kishin kërkuar që ndeshja të zhvillohet më 28 prill, raporton KosovaPress.

Po ashtu, KB Prishtina sugjeroi që ndeshja të zhvillohet nesër, respektivisht më 26 prill, por që FBK ka bërë të ditur se ky opsion nuk është as i shqyrtueshëm, pasi nuk parashihet në Propozicione të Garave.

Ndërkaq, FBK ka njoftuar se Komisioni i Garave i FBK-së ka vendosur që ndeshja e pestë gjysmëfinale e serisë mes KB Prishtinës dhe KB Trepçës të zhvillohet këtë të diele më 30 prill.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024